"ەلىمىزدەگى بارشا ۇستازدار قاۋىمىن بۇگىنگى كاسىبي مەرەكەلەرىمەن قۇتتىقتايمىن! "ۇستازدىق ەتۋ – ۇلى قىزمەت"دەگەن قاناتتى ءسوز بار. شىن مانىندە, ءالى وڭ-سولىن تولىق تانىپ ۇلگەرمەگەن بالانىڭ ومىردەن ءوز ورنىن تاۋىپ, ادام بولىپ قالىپتاسۋىندا مۇعالىمنىڭ ەڭبەگى زور. سوندىقتان ۇستازعا قۇرمەت كورسەتۋ – ارقايسىمىزدىڭ ازاماتتىق پارىزىمىز. بۇگىنگىدەي كۇردەلى كەزەڭدە مۇعالىمدەرىمىزگە دە از سالماق ءتۇسىپ وتىرعان جوق. سوعان قاراماستان جاستارىمىزدىڭ ساپالى ءبىلىم الۋىنا بار كۇش-جىگەرىن جۇمساپ جۇرگەن ارداقتى جاندارعا العىسىمىز شەكسىز. ۇستازدارىمىز وسىنداي سىن ساعاتتا ەش مويىماي, ۇلت بولاشاعىن بارىنەن بيىك قويىپ, ءوز كاسىبىنە دەگەن ادالدىقتىڭ وزىق ۇلگىسىن كورسەتىپ كەلەدى", دەدى سەنات توراعاسى.
سونىمەن قاتار ول قازىرگى تاڭدا مەملەكەت تاراپىنان مۇعالىمدەر ءۇشىن بارلىق جاعداي جاسالىپ جاتقانىن اتاپ وتەدى.
"وعان "پەداگوگ مارتەبەسى تۋرالى" زاڭنىڭ قابىلدانۋى ايقىن دالەل. پرەزيدەنتىمىزدىڭ بيىلعى جولداۋىندا دا ءبىلىم بەرۋ ءىسى ەل دامۋىنىڭ ەڭ نەگىزگى باسىمدىقتارىنىڭ ءبىرى ەكەنى ايتىلدى. سونىڭ اياسىندا مۇعالىمدەردىڭ جالاقىسىن كوتەرۋ, بولاشاق پەداگوگتەردىڭ ستيپەندياسىن كوبەيتۋ سياقتى ماڭىزدى مىندەتتەر جۇزەگە اسىرىلىپ جاتىر. وسىنداي يگى باستامالار الداعى ۋاقىتتا دا جالعاسا بەرەتىنى انىق. بارشا ۇستازدارىمىزدى كاسىبي مەرەكەلەرىمەن قۇتتىقتاي وتىرىپ, جۇمىستارىنا تولايىم تابىس, شاڭىراقتارىنا شاتتىق تىلەيمىن. جەتىستىگىمەن قۋانتار شاكىرتتەرىڭىز كوپ بولسىن!", دەدى ماۋلەن اشىمباەۆ.
