بۇگىن شىمكەنت قالاسىنىڭ اكىمى مۇرات ايتەنوۆ شاھارداعى كوپقاباتتى تۇرعىن ۇيلەرگە ليفتلەردى جەتكىزۋمەن اينالىساتىن "شىمكەنتليفتمونتاج" كومپانياسىنىڭ جۇمىسىمەن تانىستى.
قازىر شىمكەنتتەگى كوپقاباتتى تۇرعىن ۇيلەردە 358 ليفت بار. سونىڭ 333-ءى جۇمىس ىستەپ تۇر. قالعان 25-ءىن اۋىستىرۋ قاجەت.
بيىل قالادا كوپقاباتتى 6 ۇيدەگى 12 ليفت جاڭارتىلىپ جاتىر. سونىڭ 10-ىن وسى "شىمكەنتليفتمونتاج" جشس اۋىستىرۋدا. قالعان ەكەۋىن "DOSTAR ليفت" جشس جاڭارتادى.
قالا اكىمى كومپانيا باسشىلارىنا جۇمىستى بارىنشا ساپالى ورىنداۋ كەرەكتىگىن ەسكەرتتى. ويتكەنى, بۇل — تۇرعىنداردىڭ قاۋىپسىزدىگى مەن جايلى ءومىر سۇرۋىنە تىكەلەي اسەر ەتەتىن ماسەلەنىڭ ءبىرى.
ايتا كەتەيىك, 2021 جىلى كوپقاباتتى 13 ۇيدەگى 25 ليفت جاڭارتىلادى دەپ جوسپارلانىپ وتىر.
