جاستار اراسىندا, ونىڭ ىشىندە ەتنوس وقۋشىلارىنا مەملەكەتتىك ءتىلدى ناسيحاتتاۋ, قولدانۋ اياسىن كەڭەيتۋ ارقىلى قازاقستاندىق بىرەگەيلىكتى قالىپتاستىرۋ, قوعامدىق كەلىسىم مەن ەل بىرلىگىن نىعايتۋدى كوزدەگەن بايقاۋدى "قوعامدىق كەلىسىم" كمم اعا ساراپشىسى, "اباي قازىناسىنا ساياحات" كلۋبىنىڭ جەتەكشىسى گۇلزيرا سارسەنبەك جۇرگىزدى.
"كىم تاپقىر", "قايىم ايتىس", "قۇپيا ءسوز", "بالاما ماعىنا", ء"تىل ونەرى" كەزەڭدەرى بويىنشا سىنعا تۇسكەن قاتىسۋشىلار ماقال-ماتەلدەردىڭ جالعاسىن ايتۋ, وي-تۇجىرىمىن اشۋ, قويىلعان جۇمباقتىڭ شەشىمىن تاۋىپ, فرازەولوگيالىق ءسوز تىركەستەرىنىڭ بالاما ماعىناسىن ايتۋ سىندى شارتتاردى ورىنداپ, ۇزدىكتەر انىقتالدى.
بايقاۋعا وبلىستىق ىشكى ساياسات باسقارماسىنا قاراستى تىلدەردى وقىتۋ ورتالىعىنىڭ اعا وقىتۋشىسى ايدانا ماحامبەت, "قوعامدىق كەلىسىم" كمم ءبولىم باسشىسى ايبەك دايراباي قازىلىق جاساپ, مىقتىلاردى انىقتادى.
سايىس ناتيجەسىندە جۇلدەلى 1 ورىندى №198 ورتا مەكتەبىنىڭ وقۋشىسى لۋيزا ساديگي, 2 ورىندى №7 مەكتەپ-ليتسەيىنىڭ وقۋشىسى مۋحامەددالي گافۋروۆ, 3 ورىندى №7 مەكتەپ-ليتسەيىنەن يليانا كيم يەلەندى. جۇلدەگەرلەر مەن ولاردىڭ جەتەكشىلەرى باعالى سىيلىقتارمەن ماراپاتتالدى.
