شىمكەنت گارنيزونىنىڭ اسكەري بولىمدەرىندە تومەن تەمپەراتۋرادا جانە كۇردەلى مەتەورولوگيالىق جاعدايلاردا اسكەري تەحنيكا مەن قارۋ-جاراقتىڭ ۇزدىكسىز جۇمىسىن قامتاماسىز ەتۋ ءۇشىن, قارۋ-جاراق پەن اسكەري تەحنيكانى قىسقى پايدالانۋ كەزەڭىنە اۋىستىرۋ باستالدى.
تەحنيكانى قىسقا دايىنداۋ بىرنەشە كەزەڭنەن تۇرادى: اسكەري تەحنيكا سانىنا كەرەكتى جانار-جاعارماي ماتەريالدارىن, سونداي-اق باسقا دا ماتەريالدىق قۇرالداردى ەسەپتەۋ, ۇيىمداستىرۋ قۇجاتتارىن ازىرلەۋ, ماتەريالدىق-تەحنيكالىق قامتاماسىز ەتۋدى ۇيىمداستىرۋ, پاركتەر مەن پارك ءۇي-جايلارىن تەحنيكانى اۋىستىرۋعا جانە قىسقى جاعدايلاردا جۇمىس ىستەۋگە دايىنداۋ, اۋىستىرۋ بويىنشا جۇمىستاردى ورىنداۋ, سونداي-اق اۋىستىرۋدى قورىتىندىلاۋ.
ءاربىر اسكەري بولىمدە الدىن الا جانار-جاعارماي ماتەريالدارىنىڭ بارلىق تۇرلەرى, قۇرال-سايماندار مەن قاجەتتى قوسالقى بولشەكتەر الىندى. سونداي-اق اسكەري قىزمەتشىلەر جاۋىنگەرلىك ماشينالاردىڭ ءاربىر پاركىنىڭ اۋماعىندا ءتيىستى ءتارتىپ ورناتادى, قويمالارعا, پارك ءۇي-جايلارىنا اعىمداعى جوندەۋ جۇرگىزەدى.
اۋىستىرۋ كەزىندە تەحنيكا مەن قارۋ-جاراققا پايدالانۋ نورمالارىنا سايكەس جوندەۋ جانە قىزمەت كورسەتۋ ورىندالادى: ءاربىر جاۋىنگەرلىك ماشينانىڭ بارلىق توراپتارى مەن اگرەگاتتارى تەكسەرىلەدى, سۇزگىلەردى جۋ جانە اۋىستىرۋ, جانار-جاعارماي ماتەريالدارىن اۋىستىرۋ, باتارەيالاردى جوندەۋ جانە ولارعا قىزمەت كورسەتۋ, سونداي-اق ەلەكتر جابدىعىن تەكسەرۋ جۇرگىزىلەدى.
قارۋ-جاراق پەن اسكەري تەحنيكانى دايىنداۋ جۇمىستارى كەستەگە سايكەس جۇرگىزىلەدى جانە 10 قاراشاعا دەيىن اياقتالادى.
ماۋسىمدىق قىزمەت كورسەتۋ جۇمىستارىنىڭ قورىتىندىسى بويىنشا قاراۋ جۇرگىزىلەدى جانە قارۋ-جاراق پەن اسكەري تەحنيكانىڭ, سونداي-اق پاركتىڭ دايىندىعى تۋرالى اكت جاسالادى.
