ۇلتتىق مەديتسينالىق حولدينگ قۇرامىنداعى رەسپۋبليكالىق جەدەل مەديتسينالىق جاردەم عىلىمي ورتالىعىندا پيتسبۋرگ ۋنيۆەرسيتەتى يتاليالىق ونكولوگيا ورتالىعىنىڭ توراكالدى حيرۋرگتارى لاپاروسكوپيالىق تاسىلمەن وتا جاساپ, قازاقستاندىق ارىپتەستەرىمەن تاجىريبە ءبولىستى.
ۇلتتىق مەديتسينالىق حولدينگ قۇرامىنداعى رەسپۋبليكالىق جەدەل مەديتسينالىق جاردەم عىلىمي ورتالىعىندا پيتسبۋرگ ۋنيۆەرسيتەتى يتاليالىق ونكولوگيا ورتالىعىنىڭ توراكالدى حيرۋرگتارى لاپاروسكوپيالىق تاسىلمەن وتا جاساپ, قازاقستاندىق ارىپتەستەرىمەن تاجىريبە ءبولىستى.
يتاليالىق دارىگەرلەر ورتالىقتا ءۇش كۇن بويى تۇڭعىش رەت قاتەرلى ىسىكتەردى تىلىك جاساماي, شاعىن تەسىك ارقىلى سىلىپ الۋ ءتاسىلىن قولدانىپ وتالار جاسادى. پيتسبۋرگ ۋنيۆەرسيتەتى يتاليالىق ونكولوگيا ورتالىعىنىڭ توراكالدى ونكوحيرۋرگى الەساندرو بەرتاني جۋرناليستەرگە بەرگەن سۇحباتىندا مۇنداي ءىس-شارانى ۇيىمداستىرۋ ءۇشىن ۇلكەن بازانىڭ كەرەك ەكەنىن, ال ونداي بازا ەلىمىزدە قالىپتاسقانىن باياندادى. «وتا جاساۋ بارىسىندا بىزگە وسىندا جۇمىس ىستەيتىن دارىگەرلەر كومەكتەستى. وتالاردىڭ لاپاروسكوپيالىق تۇرىنەن ناۋقاسقا كەلەتىن زيان كوپ بولمايدى. مۇنداي وتالاردى جاساۋدىڭ شىڭىنا شىعۋ ءۇشىن شەبەرلىك سىنىپتارىن ءجيى وتكىزىپ تۇرۋ كەرەك. ماسەلەن, اقش-تا, يتاليادا بۇل تاسىلمەن وتا جاساۋدىڭ ون جىلدىق تاريحى بار. دارىگەرلەر بەلگىلى ءبىر جەتىستىككە جەتكەن», دەيدى بەرتاني.
يتاليالىق دارىگەرلەردىڭ بۇل ساپارى استانا قالاسىندا ونكولوگيالىق ورتالىق قۇرۋ جوباسىنىڭ اياسىندا ىسكە استى. بۇل جوبانىڭ نەگىزگى سەرىكتەسى – پيتسبۋرگ ۋنيۆەرسيتەتىنىڭ مەديتسينالىق ورتالىعى.
«ەگەمەن-اقپارات».
