كەزدەسۋ بارىسىندا تاراپتار مەملەكەتتەردىڭ گۋمانيتارلىق سالاداعى ەكىجاقتى ىنتىماقتاستىق ماسەلەلەرىن تالقىلادى. اتاپ ايتقاندا, قازاقستاندىق جانە گرەك حالىقتارى اراسىنداعى بايلانىستاردى نىعايتۋ پەرسپەكتيۆالارىنا نازار ءبولىندى. بۇل رەتتە وسى پروتسەستە قازاقستانداعى ون مىڭدىق گرەك دياسپوراسىنىڭ جانە ەللادادا تۇراتىن 60 مىڭعا جۋىق قازاقستان تۋمالارىنىڭ ەكى مەملەكەتتىڭ قوعامدىق, ساياسي, مادەني جانە باسقا دا سالالارداعى ومىرىنە تىكەلەي قاتىساتىنى ەرەكشە اتاپ ءوتىلدى.
ەلىمىزدەگى قازاقستاندىق گرەكتەردىڭ ومىرىمەن جاقىنىراق تانىسۋ ماقساتىندا ەلشى ا. ۆولكوۆ ك. ۆلاسيسكە حالىقارالىق ساياحاتتاردى جاساۋ ءۇشىن قولايلى ەپيدەميولوگيالىق جاعدايلار ورناتىلعاننان كەيىن جاقىن ارادا قازاقستانعا ساپارمەن كەلۋگە شاقىرۋىن جەتكىزدى.
سونىمەن قاتار كەزدەسۋ بارىسىندا قازاقستاننىڭ ەلشىسى ءمينيستردىڭ ورىنباسارىنا قازىرگى زامانعى قازاقستاننىڭ قالىپتاسۋ كەزەڭدەرىنىڭ تاريحى تۋرالى تاماشا جونسىلتەر بولىپ تابىلاتىن قر تۇڭعىش پرەزيدەنتى, ەلباسى نۇرسۇلتان نازارباەۆتىڭ گرەك تىلىنە اۋدارىلعان "تاۋەلسىزدىك ءداۋىرى" اتتى كىتابىن تابىس ەتتى.
