ساياسات • 01 قازان، 2020

سلوۆەنيا قازاقستانمەن ىنتىماقتاستىقتى نىعايتۋعا مۇددەلى

9 رەت كورسەتىلدى

ديپلوماتيالىق ميسسياسىنىڭ اياقتالۋىنا بايلانىستى قازاقستان ەلشىسى قايرات سارىباي سلوۆەنيانىڭ قازىرگى جانە بۇرىنعى باسشىلىعىمەن، سونداي-اق ەلدىڭ ساياسي، ەكونوميكالىق جانە مادەني توپتارىنىڭ وكىلدەرىمەن كەزدەستى، دەپ حابارلايدى Egemen.kzء سىم سىلتەمە جاساپ.

كەزدەسۋلەر بارىسىندا ەكىجاقتى ىنتىماقتاستىقتىڭ سوڭعى كەزەڭدەگى باستى جەتىستىكتەرى تالقىلاندى. اتاپ ايتقاندا، پارلامەنتارالىق دوستىق توپتارىنىڭ قۇرىلۋى، قازاقستاننىڭ سلوۆەنيادا ەكى قۇرمەتتى كونسۋلدىعىنىڭ اشىلۋى، قوسارلى سالىق سالۋدان بوساتۋ كونۆەنتسياسىنىڭ جۇزەگە اسىرىلۋى، ەكىجاقتى ساۋدا اينالىمىنىڭ ءوسۋى، "قازاقستان-سلوۆەن بيزنەس كلۋبى" مەن Art Embassy قازاق ونەر ەلشىلىگىنىڭ اشىلۋى، سونداي-اق يۋگوسلاۆيا پارتيزاندارى قاتارىندا ەرلىكپەن قازا تاپقان قازاق جاۋىنگەرى "كاسسە سەبەرو" وقيعاسىنىڭ ەكى حالىق اراسىنداعى دوستىق قارىم-قاتىناستارعا وڭ اسەرى تۋرالى ءسوز بولدى.

سلوۆەنيا رەسپۋبليكاسىنىڭ پرەزيدەنتى بورۋت پاحور قازاقستاننىڭ سلوۆەنيا ءۇشىن ماڭىزدى سەرىكتەس ەكەنىن اتاپ ءوتىپ، ۇلى دالا ەلىمەن ىنتىماقتاستىقتى ىلگەرىلەتۋگە مۇددەلى ەكەنىن ءبىلدىردى.

سلوۆەنيانىڭ بۇرىڭعى پرەزيدەنتى دانيلو تيۋرك قازاقستان-سلوۆەنيا قاتىناستارىنىڭ دامۋىنا تۇڭعىش پرەزيدەنت – ەلباسى نۇرسۇلتان نازارباەۆتىڭ ەلەۋلى ۇلەس قوسقانىن جانە ونىڭ حالىقارالىق باستامالارىن اتاپ، پرەزيدەنت قاسىم-جومارت توقاەۆپەن ورناعان ىنتىماقتاستىقتى جوعارى باعالايتىنىن جەتكىزدى.

سونىمەن قاتار، ق.سارىباي سلوۆەنيا باسشىلىعى مەن ەكونوميكالىق جانە مادەني توپتارىن پرەزيدەنت ق.توقاەۆتىڭ "جاڭا جاعدايداعى قازاقستان: ءىس-قيمىل كەزەڭى" قازاقستان حالقىنا جولداۋىنىڭ نەگىزگى باسىمدىقتارىمەن تانىستىردى. 

سلوۆەنيا پرەزيدەنتى ب.پاحور، بۇرىڭعى پرەزيدەنتى د.تيۋرك، سىرتقى ىستەر مينيسترلىگىنىڭ مەملەكەتتىك حاتشىسى ت.كايزەر قازاق ديپلوماتىنىڭ ەكىجاقتى قاتىناستاردى ىلگەرىلەتۋدەگى زور ەڭبەگى مەن اۋقىمدى جەتىستىكتەرى  ءۇشىن العىستارىن ءبىلدىردى.

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار