سينوپتيكتەردىڭ حابارلاۋىنشا, بۇگىن ەل اۋماعىنىڭ باسىم بولىگىندە كۇن اشىق بولادى, تەك وڭتۇستىكتە جانە وڭتۇستىك شىعىستا اتموسفەرالىق اعىنداردىڭ وتۋىنە بايلانىستى جاڭبىر جاۋادى.
سونداي-اق رەسپۋبليكانىڭ كەي جەرلەرىندە تۇمان, جەلدىڭ كۇشەيۋى, وڭتۇستىكتە شاڭدى داۋىل كۇتىلەدى. كۇندىز تۇركىستان, قىزىلوردا وبلىستارىنىڭ كەي جەرلەرىندە جەلدىڭ جىلدامدىعى 15-20 م/س دەيىن جەتەدى, قىزىلوردا وبلىسىندا شاڭدى داۋىل سوعۋى ىقتيمال. قوستاناي, تۇندە جانە تاڭەرتەڭ اقمولا, سولتۇستىك قازاقستان, پاۆلودار, شىعىس قازاقستان وبلىستارىنىڭ كەي جەرلەرىندە تۇمان تۇسەدى.
جامبىل وبلىسىنىڭ كەي جەرلەرىندە تۇمان, 15-20 م/س دەيىن جەلدىڭ كۇشەيۋى ىقتيمال. جامبىل, الماتى وبلىستارىنىڭ كەي جەرلەرىندە تۇندە جانە تاڭەرتەڭ 1-4 گرادۋس ۇسىك كۇتىلەدى. قىزىلوردا, تۇركىستان, جامبىل وبلىستارىنىڭ باسىم بولىگىندە, قاراعاندى, اقتوبە وبلىستارىنىڭ كەي جەرلەرىندە توتەنشە ءورت قاۋپى ساقتالادى.
