تەتيس مۇحيتىن مەكەندەگەن بالىق

تابيعات مۋزەيىنىڭ مەڭگەرۋشىسى گۇلجان نازىمبەتوۆانىڭ ايتۋىنشا, بۇل ەجەلگى بالىق قاڭقاسىنىڭ جاقسى ساقتالعان كۇيدە العاشقى رەت كەزدەسۋى. وسى ۋاقىتقا دەيىن تەتيس مۇحيتى تىرشىلىك يەلەرىنىڭ تاسقا اينالعان قالدىقتارى, تەڭىز بالدىرلارى مەن جانۋارلارىنىڭ سۇيەكتەرىنىڭ ىزدەرى, شوگىندىلەردەن اكۋلا تىستەرى دە تابىلعان بولاتىن. الدىن الا بولجام بويىنشا, بۇل بالىق ەوتسەن كەزەڭىندە (50-30 ملن جىل) تىرشىلىك ەتكەن. قازىرگى قوستاناي ولكەسىنىڭ اۋماعى ءبىزدىڭ زامانىمىزعا دەيىنگى 60-30 ملن جىل بۇرىن كونە تەتيس مۇحيتىنىڭ ءتۇبى بولعان. ول كەزەڭدە جەرورتا, قارا, ازوۆ, ارال جانە كاسپي تەڭىزدەردىڭ بەدەرى ءالى قالىپتاسپاعان-دى. مۇندا تەڭىز تىرشىلىگى وركەندەپ, كيتتەر ءجۇزىپ, اكۋلالار مەن بالىقتاردىڭ سان الۋان تۇرلەرى, مارجاندار ءوسىپ, داۋىلدار كوتەرىلگەن.

وڭىردەن تابىلعان ولجانى «سوكو­لوۆ-سارىباي كەن-بايىتۋ وندىرىستىك بىر­لەستىگى» اق جەتەكشى عىلىمي ۇيىم رەتىندە الماتىداعى «عىلىم وردا­سىنىڭ» تابيعات مۋزەيىنە بەرۋدى ۇيعارعان بولاتىن.

بيىل قىرقۇيەك ايىندا كاران­تيندىك جەڭىلدىكتەردەن كەيىن مۋزەي قىزمەتكەرلەرى وسى بالىقتىڭ قاڭ­قاسىن توپىراقتان تازارتىپ, الما­تىعا اكەلدى. عىلىمي زەرتتەۋلەر مەن قالىپقا كەلتىرۋ جۇمىستارى اياقتال­عان سوڭ ەوتسەن كەزەڭىنىڭ بالىعى مۋزەي ەكس­پوزيتسياسىنان ورىن الاتىن بولادى.

الماتى