وقيعا • 01 قازان، 2020

اۋىلدا پالما اعاشى وسەدى

26 رەت كورسەتىلدى

ماڭعىستاۋ اۋدانىنداعى ساي-وتەس ورتا مەكتە­بىندەگى جىلىجايدا 74 ءتۇرلى تروپيكالىق وسىمدىك وسەدى. كۇن رايى – 15 گرادۋس كورسەتىپ تۇرسا دا، جىلىجاي وزىندىك تەمپەراتۋراسىن ساقتايدى.

– ماڭعىستاۋدا وس­پەي­­تىن تروپيكالىق وسىم­دىك­تەردىڭ ءتۇر-ءتۇرى وسى جى­لى­جايدان كەزدەسەدى. بۇ­لاردىڭ پايداسى لاس اۋان­ى سورىپ، وتتەگى ءبولىپ شى­­­­عارادى. مۇنداعى ءتاتتى بول­­­­گار بۇرىشىن دا، ەرەكشە گۇل­دەردى دە، تروپيكالىق ەل­دە وسەتىن پالما اعاشىن ماڭ­­­عىستاۋدان كورۋدىڭ ءوزى ءبىر عانيبەت. وسىمدىكتەردى باپتاپ، كۇتىم جاساۋعا، شا­كىرت­تەرىنە قۇندى اقپا­رات بەرىپ، قۇپياسىن اشۋ­عا تاربيەلەگەن مەكتەپ ۇس­تاز­­دارىنىڭ ەڭبەگى ەرەن. ءتۇرلى گۇلدەردى ءوسىرۋ ارقى­لى اۋىل بالالارىنىڭ ەكو­لوگيا مادەنيەتىن قالىپ­تاستىرۋعا تيگىزەر سەپتىگى مول، – دەدى ساي-وتەس ورتا مەك­تەبى ديرەكتورىنىڭ مىن­دەتىن اتقارۋشى گۇلسىم ءنادىروۆا.

ەرەكشە كۇتىمدى قاجەت ەتەتىن وسىمدىكتەردى 2007 جىل­دان بەرى مەكتەپ قىز­مەتكەرى كۇتىپ-باپتاپ كە­لە­دى. جىلىجايدا وسەتىن 74 ءتۇرلى وسىمدىك تامشىلا­تا سۋارۋ ءادىسى ارقىلى سۋارىلادى. وقۋشىلار جى­­لىجاي ىشىنە عىلىمي جۇ­مىستار جۇرگىزەدى. ايتا كە­تەيىك، كارانتينگە دەيىن مۇندا وسكەن قيار مەن ءتاتتى بولگار بۇرىشىن اسحانادا وقۋشىلارعا بەرىلەتىن تاعامدارعا پايدالانعان.

 

ماڭعىستاۋ وبلىسى

 

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار