وتىرىستا جىل باسىنان بەرى بوتەن مۇلكىن ۇرلاۋدىڭ الدىن الۋ بويىنشا اتقارىلعان شارالار مەن وڭىرلىكقۇقىق بۇزۋشىلىق پروفيلاكتيكاسىنىڭ 2020-2022 جىلدارعا ارنالعان كەشەندى جوسپارىنىڭ ورىندالۋى تۋرالى ايتىلدى.
بيىلعى 8 ايدىڭ كورسەتكىشى بويىنشا وڭىرىمىزدە تىركەلگەن ۇرلىق قىلمىسى 58% تومەندەگەن, اتاپ ايتساق, ۇيالى تەلەفون ۇرلىعى 59%, پاتەر ۇرلىعى 64%, كولىك ۇرلىعى 69%, مال ۇرلىعى 14% ازايعان. جالپى ماتەريالدىق شىعىن 81 ملن تەڭگە بولىپ وتىر.
وبلىس اكىمى پوليتسيا دەپارتامەنتى باسشىلىعى مەنقالا, اۋدان اكىمدەرىنە ۇرلىقتىڭ بارلىق تۇرلەرىنە پروفيلاكتيكا باعىتىندا جۇمىستى كۇشەيتۋدى تاپسىردى.
ء"بىرىنشى كەزەكتە قىلمىستى بولدىرماۋعا, جولىن كەسۋگە باعىتتالعان پروفيلاكتيكالىق شارالاردىڭ كۇشەيتىلۋى قامتاماسىز ەتىلسىن, ۇرلىقتىڭ الدىن الۋدا ۋچاسكەلىك پوليتسيا ينسپەكتورلارىنىڭ جاۋاپكەرشىلىكتەرى ارتتىرىلسىن. ۇرلىقتىڭ تۇرلەرى بويىنشا "قىلمىستىق كارتاعا" سايكەس جەرگىلىكتى پوليتسيا قىزمەتىنىڭ پاترۋلدەۋ مارشرۋتىن ۇرلىققا بەيىم تۇرعىن اۋداندارعا قايتا باعدارلاۋ قاجەت. سونىمەن قاتار, كوپقاباتتى ۇيلەردىڭ كىرەبەرىستەرىن تەمىر ەسىكتەرمەن, ەلەكتروندى ق ۇلىپتارمەن, دوموفوندارمەن, بەينەكامەرامەن جابدىقتاۋدى ۇيىمداستىرۋ كەرەك. پاتەر ۇرلىعىنا توسقاۋىل قويۋ ءۇشىن بىرلەسىپ, تۇرعىنداردىڭ ءوز باسپانالارىنىڭ قاۋىپسىزدىك جۇيەلەرىمەن جابدىقتاۋ قاجەتتىگى ءتۇسىندىرىلسىن. اۋىل تۇرعىندارىنا قاراۋسىز مالدىڭ ۇرىعا جەم بولاتىنىن ەسكەرتىپ, پادا مەن باقتاشىلاردى جالداۋ تيىمدىلىگى كەڭىنەن ءتۇسىندىرىلۋ كەرەك. سونداي-اق, مالداردى سايكەستەندىرۋ مەن تاڭبالاۋ جۇمىستارى جۇيەلى تۇردە جۇرگىزىلسىن جانە قۇزىرلى ورگاندارىمەن بىرلەسىپ, ەت ونىمدەرىن ساتۋ جانە وندەۋمەن اينالىساتىن ورىندارعا باقىلاۋ كۇشەيتىلسىن", دەدى وبلىس اكىمى.
