كەزدەسۋ بارىسىندا ەلىمىزدە دىنارالىق ديالوگتى دامىتۋ جانە قوعامدىق كەلىسىمدى نىعايتۋ ماسەلەلەرى تالقىلاندى.
ماۋلەن اشىمباەۆ بيىل قازاقستان مەن ۆاتيكان اراسىنداعى ديپلوماتيالىق قارىم-قاتىناسقا 28 جىل تولعانىن اتاپ ءوتتى. سونداي-اق, سەنات توراعاسى وسى ۋاقىت ارالىعىندا ەكى مەملەكەت تۇسىنىستىك پەن ىنتىماقتاستىققا نەگىزدەلگەن سىندارلى ءوزارا ءىس-قيمىل قالىپتاستىرعانىنا نازار اۋداردى.
سونىمەن قاتار الەمدىك جانە ءداستۇرلى دىندەر ليدەرلەرى سەزى حاتشىلىعىنىڭ باسشىسى ءبىزدىڭ قوعامدا تولەرانتتىلىقتى جانە ءتۇرلى ءدىن مەن ەتنوس وكىلدەرىنە قۇرمەتپەن قاراۋدى دارىپتەپ جۇرگەن قازاقستانداعى كاتوليك شىركەۋىنىڭ جۇمىسىنا توقتالدى.
ودان بولەك, ماۋلەن اشىمباەۆ پەن فرەنسيس اسسيزي چۋلليكات الەمدىك جانە ءداستۇرلى دىندەر ليدەرلەرى سەزى حاتشىلىعىنىڭ جۇمىسى اياسىندا سىندارلى ءوزارا ءىس-قيمىلدى ءارى قاراي جالعاستىرۋعا نيەتتى ەكەندەرىن جەتكىزدى.
