ايماقتار • 30 قىركۇيەك، 2020

تالدىقورعاندا اتموسفەرالىق اۋا جاعدايىن كورسەتەتىن LED-ەكراندار پايدا بولادى

9 رەت كورسەتىلدى

تالدىقورعان تۇرعىندارى كەلەسى جىلدان باستاپ اتموسفەرالىق اۋانىڭ جاعدايى تۋرالى اقپاراتتى قالا كوشەلەرىنە ورناتىلاتىن LED-ەكراندار ارقىلى ءبىلىپ وتىرا الادى. بۇل شارا الماتى وبلىسىنىڭ ەكولوگيالىق پروبلەمالارىن شەشۋ جونىندەگى جول كارتاسى جوباسىنا ەنگىزىلگەن، دەپ حابارلايدى Egemen.kz

ايىم ءداۋىت

جول كارتاسى سەيسەنبى كۇنى ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆتىڭ قاتىسۋىمەن تالقىلاندى.

"الماتى وبلىسىندا لاستاۋشى زاتتار شىعارىندىسى 2020 جىلدىڭ 1 جارتىجىلدىعىندا 17،1 مىڭ توننانى قۇرادى. اعىن سۋلارداعى لاستاۋشى زاتتار 106،96 مىڭ توننا بولدى"، دەدى ماعزۇم مىرزاعاليەۆ قوعام وكىلدەرىمەن وتكەن ونلاين-كەزدەسۋدە.

وڭىردەگى قوردالانىپ قالعان ەكولوگيالىق پروبلەمالاردى شەشۋ ءۇشىن كەشەندى شارالاردى قامتيتىن جول كارتاسى ازىرلەندى. اتالعان قۇجاتقا وبلىس تۇرعىندارىنىڭ ۇسىنىستارى دا ەنەدى. قازىر جوبادا الماتىنىڭ ءۇشىنشى جىلۋ ەلەكتر ورتالىعىن مودەرنيزاتسيالاپ، قورشاعان ورتاعا اسەرىن تومەندەتۋ، تۇرعىن ءۇي الاپتارىن، الەۋمەتتىك، وندىرىستىك جانە باسقا دا عيماراتتاردى گازعا كوشىرۋ، جاسىل جەلەك اۋماقتارىن 200 گەكتارعا دەيىن كەڭەيتۋ، ىلە اۋدانىندا بيوگاز ستانساسىن سالۋ سەكىلدى كوپتەگەن شارا قاراستىرىلعان.

سونىمەن بىرگە حالىق اتموسفەرالىق اۋانىڭ جاعدايى تۋرالى ءبىلىپ وتىرۋ ءۇشىن "Air KZ" ءموبيلدى قوسىمشاسىنداعى اقپاراتتى تالدىقورعاننىڭ LED-ەكراندارىنا شىعارۋ جوسپارلانۋدا. بۇل جوسپار 2021 جىلى جۇزەگە اسادى.

ەسكە سالايىق، ەكولوگيا مينيسترلىگى قازىرگى ۋاقىتتا ءار وڭىردەگى قوعام وكىلدەرىمەن جەكە-جەكە ونلاين-كەزدەسۋلەر وتكىزىپ، ەكولوگيالىق پروبلەمالاردى شەشۋگە باعىتتالعان جول كارتالارىن ازىرلەۋدە.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز