سەزدە جارعىعا ەنگىزىلگەن وزگەرىستەر تالقىلانىپ, قولداۋ كورسەتىلدى, سونداي-اق پارتيانىڭ يدەولوگيالىق تۇعىرناماسىنىڭ دامۋ باسىمدىقتارى مەن باعىتتارى ەگجەي-تەگجەيلى تالقىلانىپ, بەكىتىلدى.
جارعىعا ەنگىزىلەتىن وزگەرىستەر پارتيا سەزى وتىرىستارىن بەينەكونفەرەنتسيا رەجيمىندە وتكىزۋگە, سونداي-اق كونسۋلتاتيۆتىك-كەڭەسشى ورگانىن پارتيانىڭ ساياسي كەڭەسى تۇرىندە ەنگىزۋگە مۇمكىندىك بەرەدى.
"ماسەلە تەك قانا ماجىلىسكە ءوتىپ, دەپۋتات بولۋ ەمەس. ەڭ باستىسى – شەشىم قابىلداۋشىلارعا ۇسىنىستار مەن يدەيالاردى جەتكىزە ءبىلۋ قاجەت. مەملەكەت باسشىسىنىڭ باستاماسى بويىنشا "ەستۋشى مەملەكەت" تۇجىرىمداماسى ىسكە قوسىلدى, ءوزارا تىعىز قارىم-قاتىناس ءجۇرىپ جاتىر. بىزگە بىرىگۋ كەرەك, بۇل تەك قانا ساياسي بىرلەستىكتەر شەگىندە ەمەس, جالپى قوعام تۋرالى.ءبىز بۇرىننان كەلە جاتقان پارتيا رەتىندە, كۇش جيعانىمىزدى سەزەمىز جانە بارلىق ساياسي شارالارعا قاتىسۋعا دايىنبىز. بىراق تاعى دا ايتا كەتەيىن, پارتيانىڭ ءپرينتسيپى – نەگىزسىز ۋادە بەرۋ ەمەس, سايلاۋشىلاردىڭ كوز الدىندا, حالىقتىڭ كوز الدىندا قۇر ءسوزدى بولماۋ. مىسالى, ءبىز ءبىر اۋىلعا سۋ قۇبىرىن تارتايىق, مىنە, بۇل ناقتى جۇمىس بولادى. كىشكەنتاي بولسا دا, جۇمىس. ەگەر ءسىز بەن ءبىز قانداي دا ءبىر كوپبالالى وتباسىعا ازىق-ت ۇلىك الىپ بەرسەك, قارجىلاي كومەكتەسسەك, بۇل ناقتى جۇمىس سانالادى", دەپ ءتۇسىندىردى "بىرلىك" ساياسي پارتياسىنىڭ توراعاسى سەرىك سۇلتانعالي.
دەلەگاتتار جارعىداعى ۇسىنىلعان وزگەرىستەردى ماقۇلدادى, ولاردى سەزد حاتشىسى مۇرات قوجامقۇلوۆ جاريالاعان بولاتىن. سونداي-اق, پارتيانىڭ جاڭارتىلعان باعدارلاماسىنىڭ نەگىزگى تاسىلدەرى مەن سەزدىڭ ءۇش قاتىسۋشى دەلەگاتتارىنىڭ باياندامالارىن قولدادى. باياندامالار كوشى-قون; ەكولوگيالىق قاۋىپسىزدىك ماسەلەلەرى; ۇلتارالىق كەلىسىمدى نىعايتۋ ماسەلەلەرى تاقىرىبىندا بولدى.
ء"بىز, ءبىزدىڭ پارتيا باسقا ۇلتتاردىڭ وزىندىك ەرەكشەلىگى, مادەنيەتى ساقتالۋىن قولدايمىز, بىراق ۇلت وكىلدەرى بارلىق الەۋمەتتىك-ەكونوميكالىق پروتسەستەرگە, ءبىلىم بەرۋ سالاسىنا, كاسىپكەرلىككە, مەملەكەتتىك ورگاندارعا تىعىز ينتەگراتسيالانۋى كەرەك. ۇلتارالىق قاتىناستار سالاسىنداعى كەز كەلگەن قىلمىستار, تەڭسىزدىككە, ۇلتتىق نەمەسە ءدىني قاعيدات بويىنشا قىسىم جاساۋعا شاقىرۋ قاتاڭ جازالانۋى ءتيىس. بۇل بەرىك قاعيدات", دەدى سەزد دەلەگاتى, "بىرلىك" پارتياسىنىڭ ماڭعىستاۋ وبلىستىق فيليالىنىڭ باسشىسى تيمۋر ابدىكارىموۆ
"ونەركاسىپتى, كاسىپكەرلىكتى دامىتۋعا باعىتتالعان قاراجات ناقتى جۇمىس ورىندارىن قۇرۋعا باعىتتالۋى ءتيىس دەسەم, جاڭالىق اشپايتىنىم تۇسىنىكتى. جەرگىلىكتى اكىمدەر تيىمدىلىگىنىڭ نەگىزگى ينديكاتورى جۇمىس ورىندارىن قۇرۋ بولۋى كەرەك. مەملەكەتتىك باعدارلاما بويىنشا ۇسىنىلعان, جالاقى دەڭگەيى ەڭبەك نارىعى بويىنشا ورتاشا كورسەتكىشتەن ەكى, ءتىپتى ءۇش ەسە تومەن بولاتىن جۇمىس ەمەس, مامانداردىڭ سۇرانىسىن قاناعاتتاندىراتىن ناقتى جۇمىس ورىندارى", دەپ ءتۇسىندىردى سەزد دەلەگاتى, "بىرلىك" پارتياسىنىڭ سولتۇستىك قازاقستان وبلىستىق فيليالىنىڭ باسشىسى قۋانىش زەينەلوۆ.
اتالعان باستامالىق باياندامالار پارتيانىڭ جاڭارتىلعان باعدارلاماسىن ازىرلەۋ كەزىندە ەسكەرىلەتىن بولادى.
"اۋىل" پارتياسىمەن بىرىگۋ ماسەلەسى بويىنشا تالقىلاۋلار بولدى. وسى پارتياداعى ارىپتەستەرىمىز وزدەرىنىڭ سەزىندە سوڭعى شەشىمدەرىن جاريالادى. مەنىڭ پىكىرىم دە باق-تا رەسمي تۇردە ايتىلدى. بىرلەستىك بىزگە ارتىقشىلىق بەرمەيدى دەگەن پىكىرىمدى قايتا ايتقىم كەلەدى جانە وسى ماسەلەنى جابۋدى ۇسىنامىن”, دەدى پارتيا توراعاسى سەريك سۇلتانعالي.
