بۇگىن ۇكىمەت وتىرىسىندا تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين 5G جەلىسى ەلىمىزدىڭ ءىرى ءۇش قالاسىندا قوسىلاتىنىن مالىمدەدى.
باعدات ءمۋسيننىڭ ايتۋىنشا, 5G ۇيالى بايلانىس ستاندارتىن ەنگىزۋ بويىنشا نۇر-سۇلتان, الماتى جانە شىمكەنت قالالارىندا 11 تەستىك سىناق جۇرگىزىلگەن.
سونداي-اق ول ءتيىستى جيىلىك دياپازوندارى بوساتىلىپ, ءارى قاراي وپەراتورلارعا تاراتۋ مەحانيزمى قاراستىرىلعانىن تىلگە تيەك ەتتى.
وسىعان سايكەس نۇر-سۇلتان, الماتى, شىمكەنت قالالارىندا 5G جەلىلەرى 2022 جىلى ىسكە قوسىلادى. ال وبلىستىق ورتالىقتاردا 2025 جىلعا دەيىن جوسپارلانىپ وتىر.
ەسكە سالا كەتەيىك, بۇگىنگى ۇكىمەت وتىرىسىندا اسقار مامين جىل سوڭىنا دەيىن اۋىل حالقىنىڭ 99%-ىنا كەڭ جولاقتى ينتەرنەت قولجەتىمدى بولاتىنىن حابارلاعان ەدى.
