تاراپتار قازاقستان-كورەيا ىنتىماقتاستىعى ماسەلەلەرىن تالقىلادى.
ەكى ەلدىڭ ساۋدا-ەكونوميكالىق سالاسىندا ىسكەرلىك قارىم-قاتىناستىڭ ورناعانىن ايتقان قالا باسشىسى شىمكەنت قالاسىنىڭ شەتەلدىك ينۆەستورلار ءۇشىن قولايلى ايماققا اينالعانىنا توقتالدى.
مۇرات ايتەنوۆ ميلليوننان استام حالقى بار قالانىڭ دامۋى ءۇشىن شەتەلدىك ينۆەستورلاردى تارتۋ ماڭىزدى ەكەنىن ايتىپ, بۇل ورايدا ينۆەستيتسيالىق بەستىكتىڭ ءاردايىم الدىندا جۇرەتىن كورەيا ەلىنىڭ ورنى ەرەكشە ەكەنىن جەتكىزدى. سونداي-اق, كورەيالىق بيزنەسمەندەردى قالاداعى قۇرىلىس, اۋىل شارۋاشىلىعى مەن قايتا وڭدەۋ جانە مەديتسينا سالالارىنا ينۆەستيتسيا قۇيۋعا شاقىردى.
ءوز كەزەگىندە كيم حىنگ سۋ شىمكەنت قالاسىمەن كەز كەلگەن سالادا بىرلەسىپ جۇمىس ىستەۋگە دايىن ەكەنىن جەتكىزىپ, قالاعا كەلۋدىڭ نەگىزگى سەبەبى ەكى ەل اراسىنداعى بايلانىستى ودان ءارى نىعايتۋ دەدى.
كەزدەسۋ سوڭىندا تاراپتار الداعى ۋاقىتتا مادەني-تانىمدىق جۇمىستاردى جانداندىرۋعا ۋاعدالاستى.
