ىستامبۇل قالاسىنداعى شىراعان سارايىندا وتكەن اتاتۇرىك اتىنداعى حالىقارالىق تۇرىك تاريح اكادەمياسىنىڭ جينالىسى بارىسىندا ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ تۇركىتانۋ, التايتانۋ عىلىمي-زەرتتەۋ ورتالىعىنىڭ ديرەكتورى, فيلولوگيا عىلىمدارىنىڭ دوكتورى, پروفەسسور قارجاۋباي سارتقوجا ۇلى اتالمىش اكادەميانىڭ مۇشەلىگىنە قابىلداندى. ايتا كەتەرلىك ءبىر جايت, قارجاۋباي سارتقوجا ۇلى – بۇل ۇيىمنىڭ قۇرامىنا ەنگەن تۇڭعىش قازاقستاندىق عالىم.
ىستامبۇل قالاسىنداعى شىراعان سارايىندا وتكەن اتاتۇرىك اتىنداعى حالىقارالىق تۇرىك تاريح اكادەمياسىنىڭ جينالىسى بارىسىندا ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ تۇركىتانۋ, التايتانۋ عىلىمي-زەرتتەۋ ورتالىعىنىڭ ديرەكتورى, فيلولوگيا عىلىمدارىنىڭ دوكتورى, پروفەسسور قارجاۋباي سارتقوجا ۇلى اتالمىش اكادەميانىڭ مۇشەلىگىنە قابىلداندى. ايتا كەتەرلىك ءبىر جايت, قارجاۋباي سارتقوجا ۇلى – بۇل ۇيىمنىڭ قۇرامىنا ەنگەن تۇڭعىش قازاقستاندىق عالىم.
سالتاناتتى ءىس-شارا ءۇستىندە اتاتۇرىك اتىنداعى حالىقارالىق تۇرىك تاريح اكادەمياسى قازاقستاندىق عالىمنىڭ ءۇستىنە 1512-1520 جىلدارى وسمان يمپەرياسىنىڭ پاتشاسى ياۆۋز سەليم كيگەن شاپاندى جاۋىپ, اكادەميا ءرامىزىن ۇسىندى. 1931 جىلى مۇستافا كەمال اتاتۇرىكتىڭ ۇسىنىسىمەن قۇرىلعان اتالمىش اكادەميا تۇركى تاريحىن زەرتتەيتىن الەمنىڭ 40-تان اسا مەملەكەتتەرىنىڭ عالىمدارىن توپتاستىرىپ وتىر. 62 ادامنان تۇراتىن ۇيىمنىڭ مۇشەلىگى ءتورت جىلدا ءبىر رەت تولىقتىرىلادى.
اتاتۇرىك اتىنداعى حالىقارالىق تۇرىك تاريح اكادەمياسىنىڭ باسقوسۋىندا قازاقستاندىق عالىم, پروفەسسور قارجاۋباي سارتقوجا ۇلى «بايىرعى تۇرىك ءماتىندەرىن وقۋدىڭ تەوريالىق جانە ادىستەمەلىك ماسەلەلەرى» دەگەن تاقىرىپتا بايانداما جاسادى.
«ەگەمەن-اقپارات».
