بيىل شەتەلدەرگە 10 ملن. توننا استىق شىعارىلادى. اۋىل شارۋاشىلىعى ۆيتسە-ءمينيسترى ءمۇسلىم ومىرياەۆ سونىمەن بىرگە, وتكەن جىلى بۇل دەڭگەي 7,1 ملن. توننانى قۇراعانىن بايانداي كەلىپ, بۇگىنگە دەيىن القاپتاردىڭ 97 پايىزىندا ءونىم جينالىپ الىنعانىن مالىمدەدى.
بيىل شەتەلدەرگە 10 ملن. توننا استىق شىعارىلادى. اۋىل شارۋاشىلىعى ۆيتسە-ءمينيسترى ءمۇسلىم ومىرياەۆ سونىمەن بىرگە, وتكەن جىلى بۇل دەڭگەي 7,1 ملن. توننانى قۇراعانىن بايانداي كەلىپ, بۇگىنگە دەيىن القاپتاردىڭ 97 پايىزىندا ءونىم جينالىپ الىنعانىن مالىمدەدى.
قازاقستاندا 2020 جىلعا دەيىن كولىك لوگيستيكاسىن دامىتۋعا 60 ملرد. دوللار ينۆەستيتسيا قۇيىلادى. وسىنى حابارلاعان «قازاقستان تەمىر جولى» اق پرەزيدەنتى اسقار مامين ەندى ەلىمىزدە كولىك اكتيۆتەرىن, ماگيسترالدىق ينفراقۇرىلىمدى جانە تەرمينالداردى ىقپالداستىرۋ بويىنشا ءىس-شارالار جۇزەگە اسىرىلاتىنىن اتاپ ءوتتى.
«اقبۇلاق» باعدارلاماسى اۋىلداردى اۋىزسۋمەن قامتاماسىز ەتۋدى بيىل تياناقتايدى. بۇل تۋرالى حابارلاعان گەولوگيا جانە جەر قويناۋىن پايدالانۋ كوميتەتىنىڭ توراعاسى بازارباي نۇراباەۆ جىل سوڭىنا دەيىن 341 اۋىلدى جەراستى سۋلارى قورلارىمەن قامتاماسىز ەتۋ, جەراستى سۋلارىنىڭ 35 كەن ورنىنىڭ قورلارىن قايتا باعالاۋ جولىنداعى ىزدەستىرۋ-بارلاۋ جۇمىستارى اياقتالاتىنىن ايتتى.
شىمكەنتتە «ءدىن جانە ايەل» فورۋمى بولىپ ءوتتى. وبلىس اكىمدىگىنىڭ باستاماشىلىعىمەن قانات جايعان جيىن اتالمىش تاقىرىپتى قوعامدىق ورتادا جان-جاقتى تالقىلاۋ ءۇشىن پىكىرتالاس الاڭىن ۇيىمداستىرۋدى, جاستاردىڭ يسلام ءدىنىنىڭ نەگىزدەرى تۋرالى دۇرىس ماعلۇمات الۋىنا ىقپال ەتۋدى كوزدەدى.
سەمەي قالاسىندا وتكەن اكتيۆ جينالىسى ەلباسى تاپسىرمالارىنىڭ جۇزەگە اسىرىلۋ جايىن تالقىلادى. ونى جۇرگىزگەن شىعىس قازاقستان وبلىسىنىڭ اكىمى بەردىبەك ساپارباەۆ ۇكىمەتتىڭ كەڭەيتىلگەن وتىرىسىندا ايتىلعان سىن-ەسكەرتپەلەردىڭ ورىندالۋ بارىسى جونىندە ەسەپ الىپ, الدا اتقارىلاتىن جۇمىستاردىڭ جايىن انىقتادى.
قوستاناي كوممۋنيستەرى ۇلى وكتيابر رەۆوليۋتسياسىنىڭ 96 جىلدىعىن اتاپ ءوتتى. قازاقستان كوممۋنيستىك پارتياسى وبلىستىق فيليالىنىڭ مۇشەلەرى ونى قالاداعى جەڭىس ساياباعى الدىنداعى لەنين ەسكەرتكىشىنە گۇل شوقتارىن قويۋدان باستادى.
اتىراۋدا ادام ساۋداسىمەن اينالىساتىن وزبەك ايەلى قولعا ءتۇستى. «بەلگىلى بولعانداي, سوڭعى 2,5 جىل بويى ول وزبەكستان ازاماتشالارىن قازاقستانعا جەزوكشەلىكپەن اينالىسۋعا جىبەرىپ وتىرعان», – دەپ حابارلادى وبلىستىق ىشكى ىستەر دەپارتامەنتى ءباسپاسوز قىزمەتى.
«قازاقپارات», «قازاقستان جاڭالىقتارى», Nur.kz, Bnews.kz,
TengriNews, EgemenNews حابارلارى بويىنشا دايىندالدى.
