قوعام • 29 قىركۇيەك، 2020

الماتىنىڭ اۋەزوۆ اۋدانىندا قىلمىس دەڭگەيى ەداۋىر تومەندەگەن

52 رەت كورسەتىلدى

بۇل تۋرالى الماتى قالاسىنىڭ وڭىرلىك كوممۋنيكاتسيالار قىزمەتىنىڭ الاڭىندا وتكەن ونلاين-بريفينگ بارىسىندا اۋەزوۆ اۋدانىنىڭ اكىمى سايران سايفەدەنوۆ ايتتى، دەپ حابارلايدى Egemen.kz

"اعىمداعى جىلدىڭ 8 ايىندا اۋداندا 3296 قىلمىستىق قۇقىق بۇزۋشىلىق تىركەلدى، بۇل وتكەن جىلمەن سالىستىرعاندا 47،6%-عا تومەندەگەن (2019 جىلى – 6290)"، دەدى ول.

سونىمەن قاتار، قوعامدىق ورىنداردا قۇقىق بۇزۋشىلىق جاساۋ 2،4 ەسەگە (3986-دان 1644-كە دەيىن)، كوشەدە جاسالعان قۇقىق بۇزۋشىلىقتار سانى 2،7 ەسەگە (2514-تەن 928-گە دەيىن) ازايدى. بۇزاقىلىق، پاتەرلەردەن، اۆتوكولىكتەردەن توناۋ، ۇرلىق، دەنساۋلىققا قاساقانا اۋىر زيان كەلتىرۋ سياقتى قىلمىستار ازايدى.

"الماتى اكىمىنىڭ تاپسىرماسىمەن قالا قاۋىپسىزدىگى ماسەلەلەرى جونىندەگى جينالىستا اۋدان پوليتسياسى كريمينوگەندىك نۇكتەلەر كارتاسىن جانە اۋلالار مەن جارىقتاندىرىلماعان كوشەلەرگە باسا نازار اۋدارا وتىرىپ، ولاردى پاترۋلدەۋ سحەماسىن جاسادى. قۇقىق بۇزۋشىلىقتىڭ الدىن الۋ ماقساتىندا قوعامدىق ورىنداردا 173 مارشرۋت، 28 ءاۆتوموبيلدى جانە 145 جاياۋ پاترۋل ۇيىمداستىرىلدى"، دەدى س. سايفەدەنوۆ.

بۇدان باسقا، الماتى قالاسىنىڭ اكىمى باقىتجان ساعىنتاەۆتىڭ تاپسىرماسى بويىنشا اۋداننىڭ جاندانعان جەرلەرىندە 5 ءمودۋلدى پوليتسيا پۋنكتتەرى مەن 26 "سەرگەك" كەشەنى ورناتىلدى.

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار