نۇر-سۇلتان قالاسى اكىمدىگى مەن قوعامدىق دەنساۋلىق ساقتاۋ باسقارماسى كۇزگى-قىسقى كەزەڭدە كوروناۆيرۋس ينفەكتسياسى قايتا ءورشۋ قاۋپى بولعاندىقتان, دايىندىق جۇمىستارىن جۇرگىزۋدە.
قالالىق قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆتىڭ ايتۋىنشا, ەلوردادا ارنايى ءىس-شارالار جوسپارى ازىرلەندى.
سپيكەردىڭ ايتۋىنشا, كوروناۆيرۋس قايتادان باستالعان جاعدايدا ستاتسيونارلاردا توسەك-ورىنداردى ورنالاستىرۋ ءۇش كەزەڭدە جۇرگىزىلەدى.
ء"بىرىنشى كەزەڭدە جۇمىس ىستەپ تۇرعان مەديتسينالىق ۇيىمداردان شامامەن 1645 توسەك-ورىن الۋ كوزدەلىپ وتىر, ولار بۇگىندە ينفەكتسيالىق اۋرۋلارى بار پاتسيەنتتەردى قابىلدايدى. رەسپۋبليكالىق ۇيىمداردىڭ كۇشىمەن تاعى 1919 توسەك ورنى اشىلادى. ەمحانالار, جاتاقحانالار مەن قوناق ۇيلەر رەسۋرستارىنان تاعى 2500 توسەك-ورىن ورنالاستىرۋ مۇمكىندىگى بار. وسىنىڭ بارلىعى ينفەكتسيالىق توسەك سانىن 5654-كە دەيىن كەڭەيتۋگە مۇمكىندىك بەرەدى, ونىڭ 441-ءى رەانيماتسيالىق", دەپ ءتۇسىندىردى قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ.
بۇعان دەيىن نۇر-سۇلتاننىڭ باس دارىگەرى بۇگىنگى تاڭدا قالادا كۇن سايىن كۆي-مەن اۋىراتىن ۇشتەن جيىرماعا دەيىن ناۋقاس تۇسەتىنىن حابارلادى جانە حالىقتى سانيتارلىق-ەپيدەميالىق تالاپتاردى قاتاڭ ساقتاۋعا شاقىردى.
