جەرگىلىكتى تۇرعىنداردىڭ الەۋمەتتىك جەلىگە جۇكتەگەن بەينەجازباسىنان سوڭ ەكولوگتار مۇندا جوسپاردان تىس تەكسەرىس جۇرگىزگەن. جىلداعى جوندەۋ جۇمىستارىنا وراي كۇكىرت قىشقىل تسەحىنداعى قوندىرعىلار ۋاقىتشا توقتاتىلعان. ءدال وسى كۇنى جەل تەرىسىنەن سوعىپ, ۋلى گاز قالانى باسقان.
الايدا تەكسەرىس كەزىندە ماماندار اۋاداعى زياندى قالدىقتاردىڭ شەكتى مولشەردەن اسپاعاندىعىن انىقتادى. سوندىقتان قورشاعان ورتاعا قانشالىقتى زالال كەلگەندىگىن ءدوپ باسىپ ايتا الماي وتىر. دەگەنمەن, ەكولوگيا تالاپتارى بۇزىلعان دەيدى تابيعات جاناشىرلارى.
ازامات بەكتاسوۆ, ەكولوگيا دەپارتامەنتى باسشىسىنىڭ مىندەتىن اتقارۋشى: "وندىرىستەن شىققان شاڭ-توزاڭدى سۇزگىدەن وتكىزەتىن قوندىرعى دۇرىس جۇمىس ىستەمەگەن. ءارى كۇكىرت قىشقىل تسەحىنىڭ جۇمىسى ۋاقىتشا توقتاتىلعاندىقتان, قالاعا ۋلى گاز تاراعان. زاۋىت باسشىلىعى جەلدىڭ باعىتىن, بارلىعىن ەسكەرۋ كەرەك ەدى. سوندىقتان ايىپپۇل سالىندى", دەيدى ول.
