"28 قىركۇيەكتە ساعات شامامەن 03.00-دە قاراعاندى وبلىسىنىڭ پد پاترۋلدىك پوليتسياسى باتالونى قىزمەتكەرلەرى بۇقار جىراۋ اۋدانى اۋماعىندا ورنالاسقان “قاراعاندى – اياگوز” تاسجولى بولىگىندە قاراعاندى قالاسىنا بارا جاتقان كولىككە نازار اۋداردى. كەلە جاتقان كولىك شەگىنە دەيىن ارتىلعانى كورىنىپ تۇردى. ماشينانىڭ ءىشى-سىرتى قاپقا تيەلگەن جاڭا اۋلانعان بالىقتى پوليتسەيلەر كولىكتەن انىقتادى. رولدەگى 38 جاستاعى جۇرگىزۋشىدە بالىققا قاجەتتى قۇجاتتار بولعان جوق", دەلىنگەن حابارلامادا.
كولىك جۇرگىزۋشىسى بالىقتى قايدان العانىن پوليتسەيلەر قر قىلمىستىق كودەكسىنىڭ 335-بابى (بالىق رەسۋرستارىن, باسقا دا سۋ جانۋارلارىن نەمەسە وسiمدiكتەرىن زاڭسىز الۋ) بويىنشا قوزعالعان قىلمىستىق ءىستى تەرگەۋ بارىسىندا انىقتايدى.
