ەلوردا • 29 قىركۇيەك، 2020

نۇر-سۇلتاندا تاعى ءبىر اربات سالىنادى

19 رەت كورسەتىلدى

جاڭا قوعامدىق كەڭىستىك رەسپۋبليكا داڭعىلىنان ق.قۋانىشباەۆ اتىنداعى قازدرامتەاترگە دەيىن وماروۆ كوشەسىنىڭ بويىندا ورنالاسادى. بۇل تۋرالى نۇر-سۇلتان قالاسىنىڭ اكىمى التاي كولگىنوۆ Instagram-داعى پاراقشاسىندا جازدى، دەپ حابارلايدى Egemen.kz.

"رەسپۋبليكا داڭعىلى جاعىنداعى فونتاندى قايتا قۇرۋ جۇمىسىن جۇرگىزەمىز. ول جىلعاعا قاراي اعادى. ال سول جىلعا بويىندا بالالارعا ارنالعان سۋمەن وينايتىن ەلەمەنتتەر ورناتامىز. بۇعان قوسا اربات اۋماعىندا قالالىقتار مەن ەلوردا قوناقتارىنىڭ كوڭىلىنەن شىققان اسپالى اتكەنشەك ورناتىلادى. بالالار ءۇشىن جەكە سپورت جانە ويىن الاڭدارى، تىنىش اۋماقتار، كوۆوركينگ-ورتالىق سىندى تەگىن سەمينارلار مەن ءتىل ساباقتارىن وتكىزۋگە ارنالعان جەكە زونالار جاسالادى"، دەپ جازدى قالا اكىمى.

ونىڭ ايتۋىنشا، كوپىر استى كەڭىستىگى اۋماعىندا بالالارعا ارنالعان ەكوالاڭ مەن اسپالى ساياباق جاسالادى. 

"بەيبىتشىلىك كوشەسىنەن رەسپۋبليكا داڭعىلىنا دەيىن ۆەلوجول سالىنادى. مەملەكەت باسشىسى بۇقارالىق سپورتتىڭ دامۋىنا ەرەكشە كوڭىل بولەدى. سەبەبى كاسىبي سپورت پەن سالاۋاتتى ءومىر سالتىنا دەيىنگى جول اۋلا سپورتى – قوعامدىق كەڭىستىكتەر مەن اۋلالاردان باستالادى. ولار ءار ادامعا قولجەتىمدى بولۋى ءتيىس. بيىل 54 ءىرى قوعامدىق كەڭىستىك پەن 150 اۋلا جاساپ، اباتتاندىردىق. بۇنىڭ ءوزى عانا 300 مىڭنان استام ادامدى قامتۋعا مۇمكىندىك بەردى. بۇل جۇمىستاردى كەلەسى جىلى دا جالعاستىرامىز"، دەپ جازدى التاي كولگىنوۆ.

سوڭعى جاڭالىقتار

تارازدان كەلگەن ۇرى ۇستالدى

ايماقتار • بۇگىن، 20:35

زاڭسىز اڭ اۋلاۋ تيىلماي تۇر

ايماقتار • بۇگىن، 17:22

باستاما باياندىلىعىمەن قۇندى

ايماقتار • بۇگىن، 13:56

ۇقساس جاڭالىقتار