ءبىلىم • 29 قىركۇيەك، 2020

بولاشاق پەداگوگتاردىڭ ستيپەندياسى 42 مىڭ تەڭگە بولدى

63 رەت كورسەتىلدى

بۇل تۋرالى قر ءبىلىم جانە عىلىم ءمينيسترى اسحات ايماعامبەتوۆ Facebook پاراقشاسىندا جازدى، دەپ حابارلايدى Egemen.kz.

ۇلتتىق قوعامدىق سەنىم كەڭەسىنىڭ مامىر ايىنداعى وتىرىسىندا ءبىلىم مەن عىلىمدى دامىتۋ ماسەلەلەرى نەگىزگى تاقىرىپ بولدى. وتىرىس قورىتىندىسى بويىنشا مەملەكەت باسشىسى ق. توقاەۆ ءبىلىم جانە عىلىم جۇيەسى ءۇشىن ماڭىزدى تاپسىرمالار بەردى.

پەداگوگيكالىق ماماندىقتارعا تۇسەتىن ابيتۋريەنتتەرگە قويىلاتىن تالاپتاردى ارتتىرۋ جانە ستيپەنديا مولشەرىن 42 مىڭ تەڭگەگە دەيىن ۇلعايتۋ تاپسىرماسى بەرىلدى.

"وتكەن جىلى ستيپەنديا مولشەرى 21 مىڭ تەڭگەنى قۇراسا، پرەزيدەنتتىڭ تاپسىرماسىنان كەيىن جەلتوقسان ايىندا 26 مىڭ تەڭگەگە دەيىن ءوستى. ال 1 قىركۇيەكتەن باستاپ بولاشاق پەداگوگتاردىڭ ستيپەندياسى 42 مىڭ تەڭگە مولشەرىندە بولىپ وتىر. بۇل بارلىق ماماندىقتاردىڭ ىشىندەگى ەڭ جوعارعى ستيپەنديا بولادى. ايتا كەتەرلىگى، ستۋدەنتتەر كەشەدەن بەرى وسى ستيپەنديانى الا باستادى"، دەپ جازدى اسحات ايماعامبەتوۆ.

سونداي-اق، وسى جىلدىڭ ماۋسىم ايىنان باستاپ پەداگوگيكالىق ماماندىقتارعا ءتۇسۋ ءۇشىن شەكتى بالل بىردەن 70-كە دەيىن كوتەرىلدى.

"پەداگوگ مارتەبەسى تۋرالى" زاڭدى قابىلداۋدىڭ جانە اتقارالىعان شارالاردىڭ ارقاسىندا بيىل "التىن بەلگى" توسبەلگىسى يەگەرلەرىنىڭ اراسىندا پەداگوگيكالىق ماماندىقتى تاڭداعاندار سانى 1،7 ەسە ءوستى، ال كوپتەگەن باعىتتار بويىنشا ورتاشا بالل 100-دەن استى. ەگەر بىرنەشە جىل بۇرىن پەداگوگيكالىق ماماندىققا تۇسۋشىلەردىڭ ورتاشا بالى 65-ءتى قۇراسا جانە پەداگوگ ماماندىعى تۇلەكتەر اراسىندا كوپ سۇرانىسقا يە بولماسا، قازىر جوعارى بالل جيناعان مىقتى تۇلەكتەر پەداگوگيكالىق باعىتتار بويىنشا وقۋعا تۇسە باستادى"، دەپ جازدى ول.

سونداي-اق ۇقسك قورىتىندىسى بويىنشا بەرىلگەن تاپسىرمالار اياسىندا دوكتورانتتاردىڭ ستيپەندياسى 102 مىڭنان 150 مىڭ تەڭگەگە دەيىن ءوستى.

"مۇنداي شارا جاس عالىمداردى قولداۋ ءۇشىن وتە ماڭىزدى، ويتكەنى دوكتورانتتاردىڭ وتباسىلارى بار جانە ولار ءوز زەرتتەۋلەرىن جۇرگىزۋمەن اينالىسادى. بۇدان بولەك 2020 جىلعى قىركۇيەك ايىنان باستاپ مەملەكەتتىك گرانتتىڭ قۇنى ايتارلىقتاي ءوستى. بۇل نەگە ماڭىزدى؟ بۇل جوعارى وقۋ ورىندارىنا وقىتۋشىلاردىڭ جالاقىسىن ارتتىرىپ، ماتەريالدىق-تەحنيكالىق بازاسىن نىعايتۋعا مۇمكىندىك بەرەدى. پرەزيدەنتتىڭ ۇلتتىق قوعامدىق سەنىم كەڭەسىنىڭ قورىتىندىسى بويىنشا بەرگەن تاپسىرمالارىنىڭ بارلىعى ەرەكشە باقىلاۋدا جانە بەلگىلەنگەن مەرزىمدە ورىندالاتىن بولادى"، دەپ جازدى مينيستر.

 

سوڭعى جاڭالىقتار

تارازدان كەلگەن ۇرى ۇستالدى

ايماقتار • بۇگىن، 20:35

زاڭسىز اڭ اۋلاۋ تيىلماي تۇر

ايماقتار • بۇگىن، 17:22

باستاما باياندىلىعىمەن قۇندى

ايماقتار • بۇگىن، 13:56

ۇقساس جاڭالىقتار