مەكتەپ ديرەكتورى وليمپيادا اۋباكىروۆانىڭ ايتۋىنشا, قازىر مەكتەپتە 107 وقۋشى ءبىلىم الۋدا, مەكتەپ جانىنداعى شاعىن ورتالىقتا 35 بالا تاربيەلەنۋدە. وقۋشىلاردىڭ دەنى – ەلگە ورالعان قانداستاردىڭ ۇل-قىزدارى. اۋىل بالالارىنا «وnline Mektep» پلاتفورماسى ارقىلى ءبىلىم الۋعا جاعداي جاسالعان. بۇعان قوسا وقۋشىلار «بالاپان», «ەلارنا» تەلەارنالارىنان دا قوسىمشا ءبىلىم الا الادى.
– اۋىلداعى «اگرو-دامۋ» جشس مال دارىگەرى باۋىرجان تالعات ۇلى دەمەۋشىلىك كومەك جاساپ تۇرسىنبەك سەرىكباەۆ, حاۆي جايلاۋحان, ىدىرىش ەرمۇرات, ءازانباي ورونباسار, ابىلعاجى شالاحان, دۋبەك ەرجان, قينايات نۇرساۋلەلەر تۇراتىن وقۋشىلاردىڭ ۇيلەرىنە حابار تاراتاتىن «وتاۋ» تۆ تاباقشالارىنا قاجەتتى قوندىرعىلار ورناتىپ بەردى, – دەيدى مەكتەپ ديرەكتورى.
ءسويتىپ ەندى شالعاي اۋىلدا تۇراتىن مەكتەپ وقۋشىلارىنىڭ جاڭا وقۋ جىلىندا ءوز بىلىمدەرىن تولىقتىرىپ, ساپالى ءبىلىم الا الماق. وقۋشىلار «ەلارنا», «بالاپان» تەلەارنالارى ارقىلى وتكىزىلەتىن قوسىمشا ساباقتارعا ەش كەدەرگىسىز قاتىسۋدا.
سونىمەن قاتار اۋىلدا وسكەن جىگىت, قازىر كۋرچاتوۆ قالاسىنداعى №3514 اسكەري بولىمىندە كەلىسىمشارت بويىنشا قىزمەت اتقاراتىن سارباز داستان جامانتاەۆ ەرجان دينا, ورونباسار جانەركە, ەراسىل ك ۇلىمباەۆ, ورونباسار ەرسۇلتان, ەرجان ۇكىلاي, جايلاۋحان ۇلى ماديار, ەرمۇرات ەدىل, ايكەرىم جايلاۋحانقىزى, سەيىلعازى ايتتۇمار, ءمارمار, ەرمۇرات سەرپىن سياقتى 11 وقۋشىعا دەمەۋشىلىك كورسەتىپ, مەكتەپكە قاجەتتى كەڭسە تاۋارلارىن الىپ بەرىپتى.
اۋىلدىقتار, مەكتەپ ۇجىمى جاناشىر دەمۋشىلەرگە جاڭا وقۋ جىلىنىڭ دايىندىق بارىسىنا ۇلەس قوسقاندارى ءۇشىن مال دارىگەرى باۋىرجان تالعات ۇلى مەن سارباز داستان جامانتاەۆقا العىس بىلدىرەدى.
ىندەت تاراعان كەزىندە اۋىلدىڭ, وزدەرى بىلەتىن اۋىلداعى وتباسىلاردىڭ مۇقتاجدىعىن سەزىنىپ, قولداعى بارىن ءبولىسىپ, بالالاردى قۋانتقاندارى وزگەلەرگە ۇلگى بولارلىقتاي.
پاۆلودار وبلىسى,
ماي اۋدانى,
اقجار اۋىلى
