ءبىلىم • 28 قىركۇيەك، 2020

قازاقستاندىق وقۋشىلار حالىقارالىق وليمپيادادان جۇلدەلى ورىن الدى

19 رەت كورسەتىلدى

قازاقستان قۇراما كومانداسى 61-ءشى حالىقارالىق ماتەماتيكالىق وليمپيادادا ءۇش كۇمىس جانە ەكى قولا مەدال جەڭىپ الدى، دەپ حابارلايدى Egemen.kzء بىلىم جانە عىلىم مينيسترلىگىنىڭ ءباسپاسوز قىزمەتىنە سىلتەمە جاساپ.

جارىسقا الەمنىڭ 100-دەن استام ەلىنەن جوعارى سىنىپ وقۋشىلارى قاتىستى. قازاقستاندىق كوماندانىڭ قۇرامىندا 6 ادام بولدى.

قۇراما كوماندانىڭ جاتتىقتىرۋشىسى، ماتەماتيكا ءپانى بويىنشا حالىقارالىق وليمپيادالاردىڭ بىرنەشە دۇركىن جەڭىمپازى قانات ساتىلحانوۆ شاكىرتتەرىنىڭ جەتىستىكتەرىنە كوڭىلى تولاتىنىن اتاپ ءوتتى. بيىل بالالار IMO 2020 حالىقارالىق سايىستىڭ بارلىق قاتىسۋشىلارى سياقتى قاشىقتان دايىندالدى.

"وليمپيادا پروكتورينگ جۇيەسى ارقىلى ءوتتى. جارىس بۇگىن رەسمي تۇردە اياقتالادى. قازاقستاننىڭ كوماندالىق ناتيجەلەرى وتكەن جىلمەن سالىستىرعاندا ايتارلىقتاي جاقساردى. التىن مەدال جەڭىپ الۋعا بىر عانا ۇپاي جەتپەدى. نەگىزىنەن بىزدىڭ بالالارىمىز وتە مىقتى. ءار ءبالا وز الدىنا قويعان ماقساتىنا جەتە الادى. وسى رەتتە بالالارعا قولداۋ كورسەتۋ ماڭىزدى. اتا-انالار مەن پەداگوگتەرگە بىرلەسكەن ەڭبەگى ءۇشىن العىس ايتامىن"، – دەدى قانات ساتىلحانوۆ.

ەل نامىسىن قورعاعان كوماندا قۇرامىنا تاير ساتۋبالدين (الماتى ق.)، تاميرلان بەكتەمىسوۆ (الماتى ق.)، نۇرتاس شىنتاس (الماتى ق.)، يۋري تەن (الماتى ق.)، دانات دۇيسەنبەكوۆ (نۇر-سۇلتان ق.) جانە فەتۋللاح سام (نۇر-سۇلتان ق.) كىردى.

حالىقارالىق ماتەماتيكا وليمپياداسىنىڭ ەرەجەلەرىنە سايكەس جوعارى سىنىپ وقۋشىلارىنا ەكى كۇننىڭ ىشىندە 6 ەسەپتى شەشۋى ءتيىس. تاپسىرمالار ماتەماتيكانىڭ ءارتۇرلى بولىمدەرى بويىنشا، نەگىزىنەن گەومەتريا، الگەبرا، ساندار تەورياسى جانە كومبيناتوريكادان بەرىلەدى.

سوڭعى جاڭالىقتار

قازاقستاندا دوللار قىمباتتادى

ەكونوميكا • بۇگىن، 11:37

ۇقساس جاڭالىقتار