ايماقتار • 28 قىركۇيەك، 2020

قوستاناي وبلىسىندا بورىشكەرلەردەن 17 ملن تەڭگە ايىپپۇل ءوندىرىلدى

20 رەت كورسەتىلدى

قوستاناي وبلىسىندا "بورىشكەر" جەدەل الدىن الۋ شاراسى اياقتالدى. ءتورت كۇنگە سوزىلعان ءىس-شارا بارىسىندا پوليتسەيلەر وبلىس تۇرعىندارىنان 17 ملن تەڭگە اكىمشىلىك ايىپپۇل ءوندىرىپ العان، دەپ حابارلايدى Egemen.kz

- ايىپپۇل بورىشىن وتەۋدەن جالتارعان 4 جۇرگىزۋشى ۇستالىپ، كولىكتەرى  ارنايى اۆتوتۇراققا قويىلدى. تورتەۋى دە رەسەيدە تىركەلگەن اۆتوكولىكتەر. تەكسەرۋ بارىسىندا اۆتوكولىك يەلەرىندە  مىندەتتى ساقتاندىرۋ شارتى بولماي شىقتى. ياعني، وسى كۇنگە دەيىن كولىكتەرىن قۇجاتسىز جۇرگىزىپ كەلگەن. سوندىقتان بۇل ازاماتتارعا قاتىستى اكىمشىلىك ءىس قوزعالدى، دەدى وبلىستىق پد اكىمشىلىك پوليتسيا ءبولىمىنىڭ باستىعى سەرىك ابدىقالىقوۆ. 

جىل باسىنان بەرى وبلىس پوليتسەيلەرى سوت ورىنداۋشىلارىمەن بىرلەسە وتىرىپ 59 رەيد شاراسىن وتكىزگەن. قۇقىق بۇزۋشىلىقتىڭ الدىن الۋ ماقساتىندا وتكىزىلگەن بۇل شارالار بارىسىندا ءتارتىپ ساقشىلارى نەگىزىنەن تۇرعىن ۇيلەر مەن اۋلالاردى ارالاپ، بورىشكەرلەرگە ءوز ايىپپۇلدارىن بەلگىلەنگەن مەرزىم ىشىندە وتەۋى كەرەكتىگىن ايتىپ، ءتۇسىندىرۋ جۇمىستارىن جۇرگىزگەن. 

اكىمشىلىك پوليتسيا ءبولىمىنىڭ باستىعى س.ابدىقالىقوۆتىڭ سوزىنشە، ايىپپۇل تولەۋ تۋرالى قاۋلىنى ۋاقىتىندا ورىنداماعان ازاماتتارعا زاڭ كۇشى قولدانىلادى. مۇنداي اكىمشىلىك ماتەريالدار  ايىپپۇلدى ءماجبۇرلى تۇردە ءوندىرىپ الۋ ءۇشىن سوت ورىنداۋشىلارى مەن بورىشكەرلەردىڭ جۇمىس ورىندارىنا جىبەرىلەدى.

قوستاناي وبلىسى

سوڭعى جاڭالىقتار

نامىسىن تۋ ەتكەن

رۋحانيات • كەشە

ۇقساس جاڭالىقتار