تۇركىستان قالاسىنان 16 شاقىرىم قاشىقتىقتا ورنالاسقان اۋەجاي زاماناۋي تەحنولوگيالاردى قولدانا وتىرىپ, حالىقارالىق ستاندارتتارعا ساي ەتىپ سالىنعان. اۋەجاي جالپى 900 گەكتار اۋماقتى قامتيدى. تەرمينال, ۇشۋ-قونۋ جولاعى جانە باسقا دا نىساندار سالىنعان حالىقارالىق اۋەجاي قۇرىلىسىن "YDA Group" كومپانياسى جۇرگىزگەن. تەرمينال جىلىنا 3 ميلليونعا جۋىق جولاۋشىعا قىزمەت كورسەتە الادى.
تۇركىستانداعى جاڭا اۋەجايدىڭ ورنى وتكەن جىلدىڭ كۇزىندە انىقتالعان بولاتىن. ەڭ وڭتايلى جەر رەتىندە شاعا اۋىلىنداعى ۋچاسكە تاڭدالدى. اۋەجاي تەرمينالىنىڭ جولاۋشىلاردى وتكىزۋ مۇمكىندىگى - ساعاتىنا 450 جولاۋشى, اۋماعى 10,5 مىڭ شارشى مەتر, ال ۇشۋ-قونۋ جولاعىنىڭ پارامەترى 3300ح45 مەتردى قۇرايدى.
تۇركىستان وبلىسى
