سەمينارعا 140-تان استام قاتىسۋشى - ەۋروپا, ازيا, امەريكا جانە افريكا ەلدەرى ۋاكىلەتتى مەملەكەتتىك ورگاندار باسشىلارى, ساراپشىلارى مەن پراكتيكتەرى, سونداي-اق بۇۇ, ەىدۇ, يۋنيسەف, يۋسايد, WGS سياقتى حالىقارالىق ۇيىمدار وكىلدەرى ات سالىستى.
بۇۇ باس حاتشىسىنىڭ ورىنباسارى, حالىقارالىق ازاماتتىق قىزمەت كوميسسياسىنىڭ (ICSC) توراعاسى لاربي دجاكتا مىرزا ءىس-شارانىڭ قۇرمەتتى قوناعى بولدى. ول قاتىسۋشىلارعا جازعان جولداۋىندا تاقىرىپتىڭ وزەكتىلىگىن كورسەتىپ, ۇيىمداستىرۋشىلارعا ءىس-شارا ءۇشىن العىسىن ءبىلدىرىپ, Aستانا حابى ارقاشان وزەكتى ماسەلەلەرگە نازار اۋداراتىنىن مالىمدەدى.
سەميناردى اشا وتىرىپ, استانا مەملەكەتتىك قىزمەت حابى باسقارۋشى كوميتەتى توراعاسى اليحان بايمەنوۆ "داعدارىس جاعدايىندا قوعامدىق سەنىم ماڭىزدىلىعى بۇرىنعىدان دا ارتا تۇسەتىندىگىن" اتاپ ءوتتى. "سەنىم - شەشۋشى فاكتور, الەۋمەتتىك قۇندىلىق قانا ەمەس, سونىمەن بىرگە ءتيىمدى اكىمشىلىك كاپيتال. سەنىم دەڭگەيى ۇكىمەتتەردىڭ, قوعامداردىڭ جانە ەكونوميكالاردىڭ داعدارىستان شىعۋ بويىنشا كۇش-جىگەرىن قولداۋعا قىزمەت ەتەدى. ءتيىمدى كوممۋنيكاتسيالىق ستراتەگيا - حالىقتىڭ سەنىمىن ارتتىرۋ مەن داعدارىستاردى باسقارۋدىڭ ماڭىزدى قۇرالى", دەدى بايمەنوۆ.
سونىمەن قاتار شارانىڭ اشىلۋىنا بۇۇ دامۋ باعدارلاماسى قازاقستانداعى تۇراقتى وكىلىنىڭ ورىنباسارى ۆيتالي ۆرەميش قاتىستى.
سەمينار بارىسىندا داعدارىس كەزەڭىندە ستراتەگيالىق كوممۋنيكاتسيالاردى دامىتۋمەن تىكەلەي اينالىسقان پراكتيكتەر ءوز ويلارىمەن ءبولىستى. ولاردىڭ اراسىندا - "Voice from Georgia» ۇكىمەتتىك ەمەس ۇيىم باسقارما توراعاسى, مەديا زەرتتەۋلەر اۋقىمىندا گرۋزيا ۇكىمەتىنە ۇسىنىستار ازىرلەۋشىلەردىڭ ءبىرى - يراكلي تابلياشۆيلي, ەىدۇ مەملەكەتتىك سەكتوردى باسقارۋ جونىندەگى ديرەكتوراتىنىڭ ساياسي اناليتيگى, كوممۋنيكاتسيا سالاسىنداعى يننوۆاتسيالىق ادىستەردى جانە جالعان اقپاراتتىق تاسىلدەردى زەرتتەۋشى كارلوتتا الفونسي, اقش سەناتورىنىڭ اپپارات باسشىسى ورىنباسارى, بۇرىنعى ءباسپاسوز حاتشىسى جانە كوممۋنيكاتسيالار بويىنشا ديرەكتورى ەدۆارد شەلبي جانە Factcheck قازاقستان جوباسىنىڭ قازاق تىلىندەگى نۇسقاسىنىڭ باس رەداكتورى دۋمان سماقوۆ بولدى.
يراكلي تابلياشۆيلي "گرۋزيادا پاندەميانىڭ العاشقى تولقىنى كەزەڭىندە قوعاممەن كوممۋنيكاتسيا جۇگىن, ونىڭ ىشىندە بارلىق ازاماتتاردى ستراتەگيالىق شەشىمدەر مەن ادىستەردەن حاباردار ەتۋ جۇمىسىن ءۇش جەتەكشى تۇلعا, تانىمال عالىم قولعا الىپ, ء"ۇش نويان" رەتىندە تانىلعانىن ايتتى. بۇل تاكتيكا شامادان تىس دراماتيزاتسياسىز حالىقتىڭ سەنىمى مەن ۇجىمدىق جاۋاپكەرشىلىگىن ارتتىرۋعا مۇمكىندىك بەردى", دەدى ول.
ەىدۇ وكىلى كارلوتتا الفونسي "پاندەميا كەزىندە ۇكىمەتتەر COVID-19 ينفودەمياسىنا قارسى تۇرۋ ءۇشىن وزدەرىنىڭ قوعامدىق بايلانىستارىنا باسىمدىق بەرۋى كەرەك بولدى".
ول سونداي-اق بۇل ءىس-شارالاردىڭ تيىمدىلىگى كوبىنەسە ولاردىڭ اشىق ۇكىمەت پرينتسيپتەرىنە, ءبىرىنشى كەزەكتە مەملەكەتتىك ينستيتۋتتارعا دەگەن سەنىمدىلىكتى ارتتىرۋ ماقساتىندا اشىقتىق قاعيداتتارىنا دەگەن تاۋەلدىلىگىنە بايلانىستى ەكەنىن ايتتى.
ءوز كەزەگىندە ەدۆارد شەلبي "كوممۋنيكاتسيانىڭ از قۇرالدارى مەن تىم پولياريزاتسيالانعان قوعامعا كەزىككەن اقش ۇكىمەتى قوعامدىق دەنساۋلىق ساقتاۋ مۇددەسى مەن دەزينفورماتسياعا قارسى تۇرۋ ءۇشىن اقپارات بەرۋدىڭ كرەاتيۆتى تاسىلدەرىن قولدانۋعا ءماجبۇر بولعانىن" جەتكىزدى.
سايلانبالى لاۋازىم يەلەرى دە حالىقتىڭ سەنىمسىزدىگىنە ۇشىراۋدا, سوندىقتان ولار سايلاۋشىلارمەن قارىم-قاتىناستا ساندىق قۇرالدار پايدالانۋدا جانە COVID 19 پاندەمياسىمەن كۇرەستە قاجەتتى شارالار تۋرالى ءوز پىكىرلەرىن بىلدىرۋدە سەنىمدىرەك اقپارات كوزدەرىنە - دەنساۋلىق ساقتاۋ سالاسى ساراپشىلارى مەن ۋنيۆەرسيتەت پروفەسسورلارىنا ءجيى جۇگىنەدى.
دۋمان سماقوۆ "كوروناۆيرۋس پاندەمياسىنان تۋىنداعان قازىرگى قازاقستانداعى جاعداي سەنىمدى اقپاراتتاردى قولداۋدىڭ مەملەكەتتىك ورگاندار ءۇشىن دە, حالىق ءۇشىن دە داعدارىستان شىعۋداعى ماڭىزدىلىعىن كورسەتتى", دەپ اتاپ ءوتتى.
