ايماقتار • 28 قىركۇيەك، 2020

الماتىدا "عاجايىپ قولتاڭبا" اتتى جادىگەرلەر كورمەسى باستالادى

30 رەت كورسەتىلدى

الداعى كۇندەرى، ياعني 2020 جىلدىڭ 1 قازاندا قر مەملەكەتتىك ورتالىق مۋزەيىندە حالىقارالىق ىنتىماقتاستىق اياسىندا قىتاي حالىق رەسپۋبليكاسىنىڭ الماتى قالاسىنداعى باس كونسۋلدىعىمەن بىرلەسكەن "عاجايىپ قولتاڭبا" اتتى كورمە اشىلادى. قىتاي حالىق رەسپۋبليكاسىنىڭ 71 جىلدىعىنا ارنالعان كورمەدەن قازاقستان رەسپۋبليكاسى مەملەكەتتىك ورتالىق مۋزەيى قورىندا ساقتالعان قىتاي فارفور بۇيىمدارى ورىن الادى، دەپ حابارلايدى Egemen.kz

قىتاي فارفورى ­­­­- اسپان استى يمپەرياسىنىڭ مادەنيەتى مەن ونەرىنىڭ ماڭىزدى كومپونەنتتەرىنىڭ ءبىرى. جادىگەر بۇيىمدار فارفورعا سۋرەت سالۋ ونەرىن كورسەتەدى، سونىمەن قاتار ەجەلگى داۋىرلەردەن باستاپ ءار زاماندا ءوز تۋىندىلارى ارقىلى الەمدىك ونەرگە قۇندى ۇلەس قوسقان قىتاي شەبەرلەرىنىڭ عاسىرلىق داستۇرلەرىن پاش ەتەدى.

قازاقستان رەسپۋبليكاسى مەملەكەتتىك ورتالىق مۋزەيىنىڭ قورىندا XIX عاسىردىڭ ەكىنشى جارتىسىندا (قر موم ورىنبور كەزەڭىنىڭ تاريحى) قالىپتاسا باستاعان قىش پەن فارفور توپتامالارى ەرەكشە ورىن الادى. ول كەزدە مۋزەيگە وتكىزىلگەن العاشقى ەكسپوناتتاردى جەكە ادامدار "سىيعا بەرگەن" جانە ولار نەگىزىنەن XVIII-XIX عاسىرلارعا تيەسىلى تۇرمىستىق زاتتار ەدى. ولاردىڭ اراسىندا اسەمدىگى جانە كوركەم پىشىندەرىمەن نازار اۋدارتاتىن  ءار ءتۇرلى كەراميكادان جاسالعان بۇيىمدار بار.

"عاجايىپ قولتاڭبا" كورمەسىنىڭ ەكسپوزيتسياسى 3 بولىمنەن تۇرادى: ارحەولوگيالىق قازبا جۇمىستارىنىڭ ۇلگىلەرى; فارفوردى كوركەم كەراميكا ونەرىنىڭ ايرىقشا ۇلگىسى رەتىندە تانىستىرۋ; سونداي-اق كوركەم كەراميكانىڭ ءساندى شاعىن تۇرلەرى. كورمەگە قر ورتالىق مۋزەيىنىڭ فارفوردان، فايانس، كەراميكا، مىس، سازدان جاسالعان 60-تان استام بىرەگەي ەكسپوناتتارى قويىلادى.  جۇرت نازارىنا ۇسىنىلاتىن جادىرگەرلەر ىشىندە تالعار قالاسىنان (تالحير) تابىلعان، ۇلى جىبەك جولىمەن بىزگە جەتكەن قىش بۇيىمدارىن كورسەتەتىن ارحەولوگيالىق قىش بۇيىمدارى ەرەكشە قىزىعۋشىلىق تۋدىرادى. بۇل XI-XII عاسىرلارداعى قىتاي فارفورىنان جاسالعان، سۋن ديناستياسىنا تيەسىلى، الماتى ماڭىنداعى ەجەلگى تالحير (تالعار) قالاسىنداعى قازبا جۇمىستارى كەزىندە تابىلعان توستاقتار مەن تاباقتار. XIX عاسىردىڭ 40-جىلدارىندا ورىنبور قالاسىندا ساتىپ الىنعان گۇلدى ويۋلار مەن قىتايلىق ورنەكتەرى بار فارفوردان جاسالعان ىدىس-اياقتاردىڭ عاجايىپ كوللەكتسياسى، قۇمىرالار، ونىڭ ىشىندە قاشقاريادان ش.ءۋاليحانوۆ اكەلگەن جەكە قۇمىراسى، سونىمەن قاتار 20 عاسىردىڭ ءار جىلدارىنداعى شاي ءراسىمىنىڭ زاتتارى دا كورمەدە ۇسىنىلادى. قازاقستان رەسپۋبليكاسىنىڭ تۇڭعىش پرەزيدەنتى ن.ءا. نازارباەۆقا قحر باسشىلارى سىيعا تارتقان قۇمىرالار مەن كادەسىيلار دە قۇندى جادىگەرلەردىڭ ءبىرى بولىپ تابىلادى.

قىتايلىق قولونەرشىلەر سالعان بۇيىمدار ساپاسى، ادەمىلىگى، دەكوردىڭ وزىندىك ەرەكشەلىگى، پىشىندەرى مەن تاقىرىپتارىنىڭ الۋان تۇرلىلىگىمەن ەرەكشەلەنەدى. قىتاي پەيزاجدارىنىڭ سۇلۋلىعى، بۋددا حرامدارىنىڭ، سارايلار مەن پاگودتاردىڭ اسەم فورمالارى، گۇلدەرمەن اشەكەيلەنگەن بۇيىمدار، گۇل كومپوزيتسيالارىنىڭ سىزبالارى، سۋرەتتەر، يەروگليفتەر - وسىنىڭ ءبارى سۋرەتشىلەردىڭ جوعارى شەبەرلىگىن پاش ەتەدى.

كورمە شىنايى ونەردى باعالاۋشىلارعا مۋزەيدىڭ فارفور كوللەكتسياسىمەن تانىسىپ، قىتاي فارفورىن تاماشالاۋ ارقىلى ەستەتيكالىق ءلاززات الۋعا مۇمكىندىك بەرەدى.

 

سوڭعى جاڭالىقتار

اتىراۋدا 9 بالانى يت تالادى

ايماقتار • بۇگىن، 19:57

ۇقساس جاڭالىقتار