پرەزيدەنت • 26 قىركۇيەك، 2020

پرەزيدەنت ۇلتتىق قوعامدىق سەنىم كەڭەسىنىڭ مۇشەلەرىمەن كەزدەستى

25 رەت كورسەتىلدى

قاسىم-جومارت توقاەۆ ۇلتتىق قوعامدىق سەنىم كەڭەسىنىڭ مۇشەلەرىمەن كەزدەستى، دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.

بۇگىن الماتىدا مەملەكەت باسشىسى قاسىم-جومارت توقاەۆ پرەزيدەنت جانىنداعى ۇلتتىق قوعامدىق سەنىم كەڭەسىنىڭ مۇشەلەرى قايرات جولدىباي ۇلىمەن جانە اندرەي چەبوتارەۆپەن كەزدەسۋ وتكىزدى.

قوعام قايراتكەرى قايرات جولدىباي ۇلىمەن كەزدەسۋدە دەموگرافيالىق ساياسات، وسكەلەڭ ۇرپاقتىڭ رۋحاني-ادامگەرشىلىك تاربيەسى جانە ەلىمىزدەگى بالالار ادەبيەتىن دامىتۋ ماسەلەلەرى تالقىلاندى.

«التەرناتيۆا» وزەكتى زەرتتەۋلەر ورتالىعىنىڭ ديرەكتورى اندرەي چەبوتارەۆ پرەزيدەنتتىڭ قازاقستان حالقىنا ارناعان جولداۋىندا ايتىلعان باستامالارىنا قولداۋ ءبىلدىردى. اتاپ ايتقاندا اۋىل اكىمدەرىنىڭ تىكەلەي سايلاۋىن وتكىزۋدىڭ ماڭىزدىلىعى ەلىمىزدىڭ ساياسي ترانسفورماتسيا ۇدەرىسىندەگى تاعى ءبىر وڭ قادام ەكەنىن ايتتى. سونىمەن قاتار كەزدەسۋدە جەرگىلىكتى ءوزىن-ءوزى باسقارۋ ءىسىن ودان ءارى دامىتۋ، مەملەكەتتىك ستراتەگيالىق جوسپارلاۋ جۇيەسىن جاقسارتۋ، م ۇلىك مەنشىكتەرىنىڭ بىرلەستىگىن قۇرۋ جانە ونىڭ قىزمەتى جونىندەگى ۇسىنىستار قاراستىرىلدى.

سوڭعى جاڭالىقتار

ۇقساس جاڭالىقتار