ايماقتار • 26 قىركۇيەك، 2020

ابىلقايىر سقاقوۆ پاۆلوداردىڭ قۇرىلىس ۋچاسكەلەرىن ارالادى

21 رەت كورسەتىلدى

وبلىس اكىمى جىلۋ تراسسالارىن رەكونسترۋكتسيالاۋ، مەكتەپتەر مەن بالاباقشالاردى جوندەۋ جانە سالۋ جۇمىستارىن تەكسەردى، دەپ حابارلايدى Egemen.kz Pavlodarnews.kz سايتىنا سىلتەمە جاساپ.

ءبىرىنشى كەزەكتە پاۆلودار وبلىسىنىڭ اكىمى جىلۋ تراسساسىن اۋىستىرۋ جۇمىستارى اياقتالىپ جاتقان قامزين كوشەسىنىڭ ۋچاسكەسىندە بولدى. "نۇراي قۇرىلىس" جشس مەردىگەرلەرى جىلۋ كامەرالارىن بايلاپ، وردىڭ كىشكەنە بولىگىن كومىپ تاستاۋ قالعانىن حابارلادى. تۇرعىن ۇيلەر مەن الەۋمەتتىك نىسانداردى جىلۋمەن جانە ىستىق سۋمەن جابدىقتاۋعا قوسۋ ءۇشىن 1 قازانعا دەيىن ماگيسترالدى تاپسىرۋعا ۋادە بەردى.

ءوڭىر باسشىسى قالالىق اكىمدىك وكىلدەرىنە نىساندى ۇنەمى قاداعالاپ وتىرۋدى تاپسىردى جانە قۇرىلىس-جوندەۋ جۇمىستارىن مۇقيات جوسپارلانباعانىن ايتتى.

"وسى ۋاقىتقا قاراي جىلۋ مەن ىستىق سۋ بەرىلۋ كەرەكتىگىن ءبارى بىلەدى. مۇنداي جوبالاردىڭ قازان ايىنىڭ سوڭىنا دەيىن اياقتالۋىن قالاي جوسپارلاي الاسىز"،  دەپ سۇرادى ابىلقايىر سقاقوۆ. - بۇل جاعدايدا الشاقتىق ءۇش اپتاعا سوزىلىپ وتىر.

لەرمونتوۆ پەن استانا كوشەلەرىنىڭ قيىلىسىندا جوندەۋ جۇمىستارىن جۇرگىزىپ جاتقان مەردىگەرلەر دە جىلۋ ماگيسترالىن جاقىن كۇندەرى پايدالانۋعا بەرەمىز دەپ ۋادە بەردى.
photo5438519299842092567.jpg
ءوڭىر باسشىسىنىڭ الەۋمەتتىك نىساندارداعى جۇمىس ۋاقىتى تۋرالى دا سۇراقتارى بولدى. جاياۋ مۇسا كوشەسى، 4 مەكەنجايىنداعى بالاباقشا عيماراتىنا بارعان كەزدە قۇرىلىسشىلار تاعى ەكى اپتا ۋاقىت سۇرادى.

"قۇرىلىس ساپاسىن باقىلاۋعا اتا-انالاردى تارتۋ قاجەت. وسى بالاباقشاعا باراتىن بالالاردىڭ انالارى مەن اكەلەرى مەردىگەردىڭ بارلىق كەمشىلىكتەردى دەرەۋ جويۋى ءۇشىن وزدەرىنىڭ كوڭىلىنەن شىقپايتىن تۇستاردى ايتسىن"، دەپ تاپسىردى وبلىس اكىمى.

اباي اتىنداعى گيمنازيادا جاپسارجاي قۇرىلىسى اياقتالدى، الايدا ىرگەلەس اۋماق پەن كولىك تۇراعىن اباتتاندىرۋ جۇمىستارى جالعاسۋدا. مەكتەپتىڭ نەگىزگى كورپۋسىندا "جۇمىسپەن قامتۋدىڭ جول كارتاسى" باعدارلاماسى بويىنشا سپورت زالى جوندەلدى، قاسبەتتى ارلەۋگە كىرىسۋدە. ءوڭىر باسشىسى مەردىگەرلەرگە جۇمىستاردىڭ مەرزىمى مەن ساپاسى ءۇشىن جاۋاپكەرشىلىك بارىن ەسكە سالدى.
photo5438519299842092571.jpg
350 ورىندىق جاڭا مەكتەپ عيماراتى سالىنىپ جاتقان زاتون شاعىن اۋدانىندا جاعداي باسقاشا. «قۇرىلىس «بقب» جشس نىساندى كەلەسى جىلى تاپسىرۋى كەرەك ەدى، بىراق ونى جاقىن ارادا تاپسىرۋدى جوسپارلاپ وتىر. قۇرىلىسشىلارعا وقۋ ورنىن كەرەك-جاراقپەن جانە جيھازبەن جابدىقتاۋ، فۋتبول، باسكەتبول جانە ۆولەيبول الاڭدارى بار سپورت ايماعىن جايلاستىرۋ جانە اۋماقتى كوگالداندىرۋ قالدى.
photo5438519299842092573.jpg
ابىلقايىر سقاقوۆ جۇمىس بابىمەن ارالاۋ بارىسىندا سونداي-اق «شاحمات ءۇيى» مەن ى. التىنسارين اتىنداعى وبلىستىق گيمنازيا-ينتەرناتىنداعى جوندەۋ جۇمىستارىن تەكسەردى. وبلىس اكىمى بۇل مەكەمەلەردىڭ تاربيەلەنۋشىلەرى ءۇشىن بارىنشا قولايلى جاعداي جاساۋدى تالاپ ەتتى.

سوڭعى جاڭالىقتار

ۇقساس جاڭالىقتار