تاجىريبەلىك ءىس-قيمىلدار, گارنيزونداعى اسكەري بولىمدەرىنىڭ ءبىرىن جاۋىنگەرلىك ازىرلىكتىڭ جوعارى دارەجەسىنە كەلتىرۋدەن باستالدى. بولىمشەلەر تاعايىندالعان اۋدانعا مارش جاساپ, بارلاۋ-ىزدەستىرۋ ءىس-قيمىلدارىن جۇرگىزۋگە كىرىستى.
"جاۋىنگەرلىك جاعدايعا جاقىن جاعدايلاردا بارلاۋ-ىزدەستىرۋ جاساقتارىن اۋىستىرۋ اۋە تاسىلىمەن, جوعارى ءوتىمدى اۆتوموبيل تەحنيكاسىمەن جانە ءجۇزۋ قۇرالدارىن قولدانۋمەن جۇزەگە اسىرىلدى", – دەيدى ءبولىم كومانديرى پودپولكوۆنيك ەسبولات نۇرەكەشەۆ.
ستسەناري بويىنشا جەكە قۇرام, شارتتى قارسىلاستىڭ ديۆەرسيالىق-بارلاۋ توپتارىنىڭ قوزعالۋ باعىتتارىنداعى بارلاۋ-تورۋىل ارەكەتتەرىن كورسەتەدى. اسكەري قىزمەتشىلەر ۇشقىشسىز ۇشۋ اپپاراتتارىن, سونداي-اق ارميا اۆياتسياسىنىڭ مي-8 تىكۇشاقتارىن قولدانۋ ارقىلى مىندەتتەردى ورىنداۋدا.
وقۋ-جاتتىعۋ اياقتالعانعا دەيىن ءاربىر اسكەري قىزمەتشى سالماعى 20 كەلىگە جۋىق كيىم-كەشەكپەن 50 شاقىرىمنان استام قاشىقتىقتى باعىندىرۋى ءتيىس. وقۋ پوليگونى اۋدانىندا جوعارى شاڭدانۋ جانە اۋا تەمپەراتۋراسىنىڭ تومەندەۋى مىندەتتەردى ورىنداۋدى ءبىرشاما قيىنداتادى.
بارلاۋ بولىمشەلەرىنىڭ تاكتيكالىق-ارنايى وقۋ-جاتتىعۋى جاۋىنگەرلىك دايارلىق جوسپارىنا سايكەس وتكىزىلىپ, وقىتۋدىڭ نەگىزگى جانە نەعۇرلىم ءتيىمدى نىسانى بولىپ تابىلاتىنىن ايتىپ ءوتۋ قاجەت.
