قازاقستان • 25 قىركۇيەك، 2020

بجزق سالىمشىلارىنىڭ زەينەتاقى جيناقتارى 28،6 ميلليارد دوللاردان استى

25 رەت كورسەتىلدى

2020 جىلعى 1 قىركۇيەكتەگى جاعداي بويىنشا، بجزق سالىمشىلارى زەينەتاقى جيناقتارىنىڭ جالپى سوماسى 12،2 تريلليون تەڭگە نەمەسە 28،6 ميلليارد دوللاردان استى، دەپ حابارلايدى Egemen.kz قوردىڭ ءباسپاسوز قىزمەتىنە سىلتەمە جاساپ. 

"بجزق" اق زەينەتاقى جيناقتارى اعىمداعى جىلدىڭ باسىنان باستاپ 1،4 ترلن تەڭگەگە نەمەسە 13%-عا ۇلعايدى. 

زەينەتاقى جيناقتارىنىڭ نەگىزگى سوماسى 97،6%-ى مىندەتتى زەينەتاقى جارنالارى (مزج) ەسەبىنەن قالىپتاسىپ، 11،9 تريلليون تەڭگەنى نەمەسە 27،8 ميلليارد دوللاردى قۇرادى.

مىندەتتى كاسىپتىك زەينەتاقى جارنالارى (مكزج) بويىنشا، زەينەتاقى جيناقتارىنىڭ سوماسى 294 ميلليارد تەڭگەنى نەمەسە 689 ميلليون دوللاردى قۇرادى.

ەرىكتى زەينەتاقى جارنالارى (ەزج) بويىنشا، 2 ميلليارد تەڭگەدەن نەمەسە 4،6 ميلليون دوللاردان استى. ولارعا اۋدارىمداردىڭ 0،02% تيەسىلى.

"سالىمشىلاردىڭ شوتتارىنا 2020 جىلدىڭ باسىنان بەرى جالپى كولەمى 685،6 ميلليارد تەڭگە كولەمىندە زەينەتاقى جارنالارى ءتۇستى، بۇل وتكەن جىلدىڭ سەگىز ايىنداعى كورسەتكىشتەن 8%-عا ارتىق"، دەلىنگەن حابارلامادا. 

جىل باسىنان بەرى تولەمدەر 117،5 ميلليارد تەڭگەنى (275 ميلليون دوللاردى) قۇرادى.

"كوپ بولىگى سالىمشىنىڭ جاسىنا بايلانىستى تولەمدەرگە - 39،5 ميلليارد تەڭگە (92،5 ميلليون دوللار)، قازاقستاننان تىس جەرلەرگە تۇراقتى تۇرۋعا كوشۋ تولەمدەرىنە (23،3 ملرد تەڭگە)، ساقتاندىرۋ ۇيىمدارى اۋدارىمدارى – 31،5 ميلليارد تەڭگە (54،6 ميلليون دوللار)، مۇراگەرلىك تولەم رەتىندە – 19،8 ميلليارد تەڭگە (46،4 ميلليون دوللار)، جەرلەۋگە - 2،4 ميلليارد تەڭگە (5،6 ميلليون دوللار) تيەسىلى بولدى"، دەپ حابارلايدى بجزق.

2020 جىلدىڭ باسىنان باستاپ 1 قىركۇيەكتەگى جاعداي بويىنشا بجزق سالىمشىلارىنىڭ شوتتارىنا 871،9 ميلليارد تەڭگەدەن استام نەمەسە 2 ميلليارد دوللاردان استام تازا ينۆەستيتسيالىق تابىس اۋدارىلدى.

بۇل وتكەن جىلدىڭ سايكەس كەزەڭىمەن سالىستىرعاندا 443،1 ميلليارد تەڭگەگە ارتىق.

ەستەرىڭىزگە سالا كەتەيىك، 2019 جىلدىڭ 8 ايىندا تازا ينۆەستيتسيالىق تابىس 428،8 ميلليارد تەڭگەنى قۇرادى.

سوڭعى جاڭالىقتار

ۇقساس جاڭالىقتار