"جول جىل بويى دەمالىسسىز جۇمىس ىستەيدى. اقىلى جولدارعا تولەنەتىن اقشا قىستا اقىلى جولدى تازارتۋعا, قار جينايتىن قۇرىلىمداردى ورناتۋعا, قوسىمشا قاراۋعا جانە كۇزەتۋگە جۇمسالادى. كوكتەمدە سۋ تاسقىنىنا بايلانىستى جۇمىستارعا, سۋ وتكىزگىشتەردى تازارتۋ جۇمىستارىنا كەتەدى. جاز مەزگىلىندە جول بەلگىلەرىن قولدانۋ, اۋىستىرۋ, قوقىستاردى جيناۋ, دەمالىس ورىندارىن تازارتۋ جانە باسقا جۇمىستارعا پايدالانىلادى", دەدى "QazAvtoJol" ۇق" اق اقىلى اۆتوموبيل جولدارى ديرەكتسياسى فيليالىنىڭ ديرەكتورى مارات سۇلەيمەنوۆ.
Instagram الەۋمەتتىك جەلىسىندەگى @kazautozhol پاراقشاسىنىڭ تىكەلەي ەفيرىندە بىرنەشە سۇراققا جاۋاپ بەرگەن ول, بالامالى جولدار تۋرالى دا ايتا كەتتى.
"جولدار تۋرالى" زاڭنىڭ 5-بابىنا سايكەس, كەز كەلگەن قولدانىستاعى بالامالى جولمەن ءجۇرۋ مۇمكىندىگىمەن اقىلى جولدىڭ باستالۋ جانە اياقتالۋ نۇكتەلەرى كورسەتىلۋى كەرەك. وسىلايشا, زاڭدا بالامالى جول بولماعان جاعدايدا, اقىلى نەگىزدە جولدى پايدالانۋعا شەكتەۋلەر قاراستىرىلماعان. الايدا, قولدانىستاعى ءتورت اقىلى ۋچاسكەدە بالامالى جولدار بار", دەدى مارات سۇلەيمەنوۆ.
