ونەر • 25 قىركۇيەك، 2020

ستريت-ارت ەركىندىكتى سۇيەدى (ۇلتتىق مۋزەي الدىنداعى اشىق الاڭدا «ستريت-ارت» پەرفومانسى ءوتتى)

4 رەت كورسەتىلدى

ءىس-شارانىڭ ماقساتى – قازاقستاننىڭ بەينەلەۋ ونەرى تۇرلەرىنىڭ سانالۋان­دىعىن كورسەتۋ، سونىڭ ىشىندە گراف­فيتيدى ناسيحاتتاۋعا نەگىزدەلگەن.

ستريت-ارت ونەرىنىڭ جاڭا مۇمكىندىكتەرى كورەرمەندەرگە تاريحي تۇلعالارعا بايلانىستى قازىرگى زامان تاقىرىبىن تەرەڭ اشاتىن ەڭ ماڭىزدى، قۇندى تۋىندىلاردى ۇسىنۋىمەن قۇندى.

اتالعان پەرفومانسقا ەلىمىزدىڭ بىرقا­تار رەسپۋبليكالىق جانە حالىقارالىق بايقاۋ­لارىنىڭ جەڭىمپازدارى، مەملەكەتتىك كورمەلەردىڭ قاتىسۋشىلارى، سۋرەتشى-بەزەندىرۋشىلەر رايىمبەك ساكەنوۆ پەن ايدوس شەكەر قاتىستى.

– ستريت-ارت – كوشە ستيلىندەگى سۋرەت. سوندىقتان مۋزەيدەگى سۋرەتتەردەن ايىر­ماشىلىعى – سۋرەتشىلەر وزدەرىنىڭ ويلا­رىن كەڭىنەن جەتكىزۋگە جانە ءوزىنىڭ ىشىندەگى ويدى توقتاۋسىز، شەكتەۋسىز جەتكىزۋگە مۇمكىندىك بەرەتىن ستيل. بۇل ونەر ءتۇرى نەگىزىنەن باتىستان كەلگەن. كەزىندە سۋرەتشىلەرگە شەكتەۋ قويىپ، قيىن جاعداي تۇسكەن كەزدە وزدەرى كوشەگە شىعىپ، كوزقاراستارىن جەتكىزۋ بارىسىندا وسى ستيل پايدا بولعان. سول سەبەپتى ەلىمىزدەگى ءبىز سياقتى جاستاردى قولداپ وتىرعاندارىڭىزعا راحمەت ايتامىز، – دەيدى قازاق ۇلتتىق ۋنيۆەرسيتەتىنىڭ 5-كۋرس ستۋدەنتى ا.شەكەر.

جوبا اياسىندا ۇلتتىق مۋزەي الەمدىك پاندەميانىڭ اسەرىنە قاراماستان قالالىق مادەنيەتتى دامىتۋ ماقساتىندا كوركەمونەر قۇرالدارى ارقىلى كورەرمەندەرگە قازاقستان بەينەلەۋ ونەرىنىڭ تۇرلەرىن ۇسىندى.

مەملەكەتتىك مادەني جوبالاردى كەڭىنەن ناسيحاتتاۋ جانە ىسكە اسىرۋ اياسىندا اباي قۇنان­باي ۇلىنىڭ 175 جىلدىعىنا وراي بەي­نەلەۋ ونەرىنىڭ زاماناۋي قۇرالدارى پەرفومانس جانە گراففيتي ارقىلى مادە­نيەت­تىڭ، تاريحتىڭ جانە ونەردىڭ تۇتاستىعىن كورسەتۋ جوسپارلاندى. ءارى سۋرەتشىلەر حاكىم ابايدىڭ مۋرالىن سالۋدى باستادى.

ايتا كەتەيىك، مۋزەيلەر – قازاقستان تاريحى مەن بۇگىنگى كۇننىڭ الەۋمەتتىك ماسەلەلەرى كورىنىس تاپقان سۋرەتشىلەردىڭ جۇمىستارىن مادەني ورتادا ناسيحاتتايتىن باستى الاڭ. بۇگىنگى كۇنى گراففيتيدى مەملەكەت پەن قوعام اراسىنداعى قالالىق قاتىناس قۇرالى رەتىندە قولداناتىن ەلدەر سانى ارتىپ كەلەدى.

سوڭعى جاڭالىقتار

ۇقساس جاڭالىقتار