فوتو: Pixabay.com
Otyrar تەلەگرام ارناسىنىڭ حابارلاۋىنشا, 22 ءساۋىر كۇنى ارىس – شاردارا اۆتوجولى بويىندا Chevrolet Cobalt جەڭىل كولىگى مەن كاماز جۇك كولىگى سوقتىعىسقان.
اپات سالدارىنان جەڭىل كولىكتەگى ءۇش جولاۋشى – مەكتەپ وقۋشىلارى وقيعا ورنىندا كوز جۇمعان. ال Chevrolet Cobalt جۇرگىزۋشىسى مەن تاعى ءبىر جولاۋشى ءتۇرلى جاراقات الىپ, اۋرۋحاناعا جەتكىزىلدى.
الدىن الا مالىمەت بويىنشا, كولىكتە جاتتىقتىرۋشى مەن جارىسقا بارا جاتقان كامەلەتكە تولماعان سپورتشىلار بولعان. ولار تۇركىستان قالاسىنا باعىت العان. سونىمەن قاتار, بالالاردى تاسىمالداۋ تۋرالى ۋاكىلەتتى ورگاندارعا, ونىڭ ىشىندە پوليتسياعا الدىن الا حابار بەرىلمەگەنى انىقتالدى.
35 ملن تەڭگە وتەماقى: الماتىداعى جول اپاتىنان زارداپ شەككەن وتباسى سوت شەشىمىنە نارازى
وقيعاعا قاتىستى جۇك كولىگىنىڭ جۇرگىزۋشىسى ۋاقىتشا ۇستاۋ يزولياتورىنا قامالدى. قازىرگى ۋاقىتتا بارلىق ءمان-جايدى انىقتاۋعا باعىتتالعان تەرگەۋ امالدارى جۇرگىزىلىپ جاتىر.
سونداي-اق, بالالاردىڭ ءومىرى مەن دەنساۋلىعى قاۋىپسىزدىگىن قامتاماسىز ەتۋ مىندەتىن تيىسىنشە ورىنداماۋ دەرەگى بويىنشا سوتقا دەيىنگى تەرگەۋ باستالدى.
تەرگەۋ قورىتىندىسى بويىنشا ءتيىستى پروتسەسسۋالدىق شەشىم قابىلدانادى. قالعان اقپارات تەرگەۋ مۇددەسىنە بايلانىستى جاريا ەتىلمەيدى.
شىعىس قازاقستان وبلىسىنداعى تاسجولدا جانتۇرشىگەرلىك جول اپاتى بولدى: ەكى ادام قازا تاپتى
