فوتو: دياپازون (وقىرماندارى)
اقتوبە قالاسىندا بالا ۇرلاۋ ارەكەتىنە قاتىستى دەرەك تىركەلدى. بۇل تۋرالى جەرگىلىكتى تۇرعىندار دياپازون باسىلىمىنا حابارلاعان. ولاردىڭ ايتۋىنشا, وقيعا ەسەت باتىر اۋدانىندا (بۇرىنعى نۇر-سيتي) بولعان.
كۋاگەرلەردىڭ مالىمەتىنشە, اۋلادا ويناپ جۇرگەن كىشكەنتاي قىزدى بەيتانىس بويجەتكەن وزىمەن بىرگە ەرتىپ كەتپەك بولعان. ول بالانى الداۋ ءۇشىن ء«جۇر, ساعان ساقينا بەرەمىن» دەپ ۋادە ەتىپ, ءتىپتى سىرعاسىنىڭ بار-جوعىن سۇراعان. بالا بارۋدان باس تارتقانىنا قاراماستان, بەلگىسىز ادام ونى كوندىرۋگە تىرىسقان.
قولايلى ساتتە قىز بالا قاشىپ شىعىپ, جاقىن ماڭداعى دۇكەنگە تىعىلعان. وقيعا دۇكەندەردىڭ بىرىندەگى بەينەباقىلاۋ كامەراسىنا ءتۇسىپ قالعان. تۇرعىندار بۇل جاعدايدى بىردەن پوليتسياعا حابارلاعان. سونىمەن قاتار, ولار اۋلاداعى كامەرالاردىڭ ىستەمەيتىنىن ايتىپ, بالالار قاۋىپسىزدىگىنە الاڭداۋشىلىق بىلدىرگەن.
وقيعاعا قاتىستى اقتوبە وبلىسى پوليتسيا دەپارتامەنتى پىكىر ءبىلدىردى. ۆەدومستۆونىڭ مالىمەتىنشە, كۇدىكتى قىز ۇستالىپ, پوليتسيا بولىمىنە جەتكىزىلگەن.
قازىرگى ۋاقىتتا وقيعانىڭ بارلىق ءمان-جايىن انىقتاۋعا باعىتتالعان كەشەندى تەكسەرۋ جۇرگىزىلىپ جاتىر. قۇقىق قورعاۋ ورگاندارى كۇدىكتىنىڭ ارەكەتىنە زاڭ اياسىندا باعا بەرىلىپ, ءتيىستى شەشىم قابىلداناتىنىن مالىمدەدى.
تالعارداعى ادام ءولىمى مەن بالا ۇرلىعى: ۋچاسكەلىك ينسپەكتورعا ۇكىم شىقتى
