قوعام • 24 قىركۇيەك، 2020

الماتىدا سينتەتيكالىق ەسىرتكىنى وندىرۋگە ارنالعان شيكىزاتتىڭ ۇلكەن كولەمى تاركىلەندى

13 رەت كورسەتىلدى

الماتىدا سينتەتيكالىق ەسىرتكىنى وندىرۋگە ارنالعان شيكىزاتتىڭ ۇلكەن كولەمى تاركىلەندى، – دەپ حابارلايدى Egemen.kzء ىىم ءباسپاسوز قىزمەتىنە سىلتەمە جاساپ.

ارنايى ءىس-شارا كەزىندە پوليتسەيلەر ەسىرتكى زەرتحاناسىن جويدى، وندا، رۇقسات ەتىلگەن ءتىنتۋ كەزىندە، بەس جابدىق جيىنتىعى جانە سينتەتيكالىق ەسىرتكى ءوندىرىسى ءۇشىن كومپونەنتتەرى بار ءتورت بوشكە (80 ليتردەن استام)، سونداي-اق 100 گر. “مەفەدرون” تاركىلەندى. ونى 1976 جىلى تۋعان ك.ەسىمدى ازاماتتىڭ توبى جۇرگىزدى.

– وسىلايشا، ءبىز قولدانىستاعى ەسىرتكى زەرتحاناسىن جانە قويما بازاسىن جويىپ قانا قويماي، سونىمەن قاتار، زاڭسىز اينالىمنان جابدىقتار مەن وسىعان ۇقساس بەس جاڭا زەرتحانالاردى قۇرۋعا ارنالعان ماتەريالداردى تاركىلەدىك. جوعارىدا اتالعان ءۇيدىڭ اۋماعىندا ءتىنتۋ جۇرگىزگەندە، ىشىندە قويۋ ءتۇستى، بەلگىلى ءبىر ءيىسى بار 20 ليترلىك ءتورت تەمىر كانيستر تابىلدى جانە تاركىلەندى. ءۇيدىڭ ەكىنشى قاباتىن ءتىنتۋ كەزىندە جاتىن بولمەسىندە ەرەكشە ءيىسى بار پوليەتيلەن پاكەتىندە تۇرعان ەكى ۇنتاقتى زات، ماگنيتتىك ارالاستىرعىش (زەرتحانالىق، ەلەكترلىك) تاركىلەندى. سونداي-اق، بولمەدە جاڭا بەس ماگنيتتىك ارالاستىرعىش، بەس ەلەكتروندى تارازى، بەس ەلەكتروندى سورعى، ءتۇرلى زەرتحانالىق كولبالار جانە كوپتەگەن باسقا دا زەرتحانالىق قوندىرعىلار بولدى. ەكىنشى قاباتتىڭ قىلتيماسىن ءتىنتۋ كەزىندە 1 پاكەت “100 گر” دەگەن جازۋى بار اق ءتۇستى، ءيىسى بار، ۇنتاق زات تاركىلەندى، – دەدى الماتى قالاسى پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.

سوت-حيميالىق ساراپتامانىڭ قورىتىندىسىنا سايكەس زەرتتەۋگە ۇسىنىلعان اق زاتتا جانە زاتتىڭ پلاستيك كارتوچكادا قاباتتالۋىندا مەفەدرون – قازاقستان رەسپۋبليكاسىندا باقىلاۋعا جاتاتىن ەسىرتكى، پسيحوتروپتىق زاتتار، ولاردىڭ انالوگتارى مەن پرەكۋرسورلارىنىڭ تىزىمىنە ەنگىزىلگەن مەتكاتينون پسيحوتروپتىق زاتىنىڭ انالوگى بار.بۇل فاكت سوتقا دەيىنگى تەرگەۋدىڭ بىرىڭعاي تىزىلىمىندە قر قك-ءنىڭ 297-بابى 1-ءبولىمى بويىنشا تىركەلدى. ك.ازامات قاماۋعا الىندى.

سوڭعى جاڭالىقتار

ۇقساس جاڭالىقتار