ەلوردا • 24 قىركۇيەك، 2020

National Geographic فوتوگرافتارى ەلوردانىڭ فوتوسۋرەتتەرىنەن كورمە ۇيىمداستىردى

88 رەت كورسەتىلدى

National Geographic فوتوگرافتارى ەلوردانىڭ فوتوسۋرەتتەرىنەن كورمە ۇيىمداستىردى، دەپ حابارلايدى Egemen.kz

National Geographic فوتوگرافتارى نۇر-سۇلتان قالاسىنىڭ فوتوسۋرەتتەرىنەن كورمە ۇيىمداستىردى. تامىز ايىنان بەرى ءوتىپ جاتقان " ۇلى دالا جۇرەگى" كورمەسىندە قازاقستاندىق جانە شەتەلدىك اۆتورلاردىڭ 150-دەن استام جۇمىسى ۇسىنىلعان. ولاردىڭ اراسىندا دجوردج ستەينمەتتستەن باسقا، بۇكىل الەمدى شارلاعان Antonio Politano، Sasin Tipchai، نيكيتا باسوۆ، تۇرار قازانعاپوۆ، سونداي-اق باتىرلان تولەگەنوۆ، الەكساندر فيليپەنكو، ەۆگەني تكاچەنكو، ايبەك احانوۆ جانە باسقا دا تانىمال وتاندىق فوتوگرافتاردىڭ تاڭعاجايىپ سۋرەتتەرى قويىلعان.

فوتوسۋرەتتەردە ەلوردانىڭ تۇرمىس-تىرشىلىگى، ىسكەرلىك جانە مادەني ءومىرى، جارقىن تۇلعالارى بەينەلەنگەن. سونىمەن قاتار ەرەكشە گاسترونومياسى، سپورت الەمى جانە قالانىڭ كورىكتى جەرلەرى دە كورسەتىلەتىن بولادى.

1

" ۇلى دالا جۇرەگى" فوتوكورمەسىنىڭ ماقساتى – اتاقتى شەتەلدىك جانە وتاندىق فوتوگرافتاردىڭ فوتوكامەرالارى ارقىلى بۇكىل الەمگە نۇر-سۇلتان قالاسىن جان-جاقتى كورسەتۋ.

سۋرەتتەردى "حان شاتىر" سوس ورتالىعى جانىنداعى الاڭنان تاماشالاۋعا بولادى. ءىس-شارا بارلىق سانيتارلىق نورمالاردى ساقتاي وتىرىپ وتكىزىلەدى. ۇيىمداستىرۋشىلار بارلىق ەرەجەلەردى قاتاڭ ساقتاۋ، ماسكا تاعۋ، قاشىقتىقتى ساقتاۋ جانە سانيتايزەرلەردى پايدالانۋ قاجەتتىلىگىن ەسكە سالادى.

ايتا كەتەيىك، قازاقستان استاناسىنىڭ سۋرەتتەرىن الەمنىڭ كەز كەلگەن نۇكتەسىنەن مىنا سىلتەمە ارقىلى nursultankorme.kz ونلاين كورۋگە بولادى.

سوڭعى جاڭالىقتار

ۇقساس جاڭالىقتار