قازاقستان • 24 قىركۇيەك، 2020

تەحنيكالىق رەتتەۋ جانە مەترولوگيا كوميتەتىنىڭ توراعاسى قىزمەتىنەن بوساتىلدى

10 رەت كورسەتىلدى

ارمان شاققاليەۆ قر سيم تەحنيكالىق رەتتەۋ جانە مەترولوگيا كوميتەتىنىڭ توراعاسى قىزمەتىنەن بوساتىلدى، دەپ حابارلايدى Egemen.kz پرەمەر-ءمينيستردىڭ ءباسپاسوز قىزمەتىنە سىلتەمە جاساپ.

قر ساۋدا جانە ينتەگراتسيا ءمينيسترىنىڭ بۇيرىعىمەن ارمان اباي ۇلى شاققاليەۆ باسقا جۇمىسقا ورنالاسۋىنا بايلانىستى قر ساۋدا جانە ينتەگراتسيا مينيسترلىگىنىڭ تەحنيكالىق رەتتەۋ جانە مەترولوگيا كوميتەتىنىڭ توراعاسى لاۋازىمىنان بوساتىلدى.

ارمان شاققاليەۆ 1977 جىلى قاراعاندى وبلىسىندا دۇنيەگە كەلگەن.

ەڭبەك جولىن استانا قالاسى جانە اقمولا وبلىسى بويىنشا "كاسىپورىنداردى قايتا ۇيىمداستىرۋ جانە تاراتۋ اگەنتتىگى" ااق زاڭ كەڭەسشىسى بولىپ باستاعان. تەحنيكالىق رەتتەۋ جۇيەسىندە 2004 جىلدان باستاپ "قازاقستان مەترولوگيا ينستيتۋتى" رمك ديرەكتورى رەتىندە جۇمىس ىستەي باستاعان. 2008 جىلعى ماۋسىمنان باستاپ 2016 جىلعى ساۋىرگە دەيىن "قازاقستان ستاندارتتاۋ جانە سەرتيفيكاتتاۋ ينستيتۋتى" رەسپۋبليكالىق مەملەكەتتىك كاسىپورنىنىڭ ديرەكتورى لاۋازىمىن اتقارعان. 2016 جىلعى ساۋىردە ەۋرازيالىق ەكونوميكالىق كوميسسيانىڭ تەحنيكالىق رەتتەۋ جانە اككرەديتتەۋ دەپارتامەنتىنىڭ ديرەكتورى لاۋازىمىنا تاعايىندالدى. 

2018 جىلعى شىلدەدە قر ينۆەستيتسيالار جانە دامۋ مينيسترلىگىنىڭ تەحنيكالىق رەتتەۋ جانە مەترولوگيا كوميتەتىنىڭ توراعاسى بولىپ تاعايىندالدى.  2019 جىلعى تامىزدان باستاپ قازىرگى تاڭعا دەيىن قر ساۋدا جانە ينتەگراتسيا مينيسترلىگىنىڭ تەحنيكالىق رەتتەۋ جانە مەترولوگيا كوميتەتىنىڭ توراعاسى بولىپ قىزمەت ەتتى.

سوڭعى جاڭالىقتار

ۇقساس جاڭالىقتار