ساياسات • 24 قىركۇيەك، 2020

كانادادا قازاقستاننىڭ رەفورمالارى مەن سىرتقى ساياساتى تالقىلاندى

37 رەت كورسەتىلدى

وتتاۆادا قازاقستان پرەزيدەنتى قاسىم-جومارت توقاەۆتىڭ "جاڭا جاعدايداعى قازاقستان: ءىس-قيمىل كەزەڭى" اتتى جولداۋى اياسىندا قازاقستانداعى ساياسي جانە ەكونوميكالىق وزگەرىستەرگە ارنالعان حالىقارالىق ونلاين كونفەرەنتسياسى ءوتتى، دەپ حابارلايدى Egemen.kz سىرتقى ىستەر مينيسترلىگىنىڭ ءباسپاسوز قىزمەتىنە سىلتەمە جاساپ.

ۇكىمەتتىك، اكادەميالىق جانە ديپلوماتيالىق توپتار الدىندا سويلەگەن سوزىندە قازاقستاننىڭ ەلشىسى اقىلبەك كامالدينوۆ مەملەكەت باسشىسىنىڭ ازاماتتىق قوعاممەن تىعىز ءارى سىندارلى ءوزارا ءىس-قيمىلدا دەموكراتيالىق وزگەرىستەردى جالعاستىرۋعا بەيىلدىلىگىن اتاپ ءوتتى. ول كونفەرەنتسياعا قاتىسۋشىلاردى مەملەكەت باسشىسىنىڭ قازاقستان حالقىنا جىل سايىنعى جولداۋىنىڭ نەگىزگى باسىمدىقتارىمەن تانىستىرىپ، اتالعان باعدارلامالىق قۇجات 2019 جىلعى ماۋسىمدا پرەزيدەنت ق.توقاەۆتىڭ وسى لاۋازىمعا سايلانعاننان بەرى باستالعان رەفورمالاردىڭ لوگيكالىق جالعاسى بولىپ تابىلاتىنىن ايتتى.

ەلشىنىڭ پىكىرىنشە، قر پرەزيدەنتى جىل سايىنعى جولداۋىندا بەلگىلەنگەن باسىمدىقتار اياسىندا قازاقستان مەن كانادا اراسىندا ساياسي، ساۋدا-ەكونوميكالىق جانە گۋمانيتارلىق سالالارداعى ىنتىماقتاستىقتى ارتتىرۋ ءۇشىن جاڭا مۇمكىندىكتەر اشىلۋدا. "بيىلعى جىلى ميۋنحەندە پرەزيدەنت ق.توقاەۆ پرەمەر-مينيستر دج.تريۋدومەن ءبىرىنشى رەت كەزدەستى، بيزنەس-توپتاردىڭ قاتىسۋىمەن بىرقاتار ءىس-شارالار جوسپارلانۋدا، ەكىجاقتى ساۋدا دامىپ كەلۋدە. ءبىز كانادا تاراپىمەن تىعىز قارىم-قاتىناسىمىزدى جالعاستىرۋعا ۇمىتتەنەمىز"، دەدى ەلشى.

ءىس-شارادا كانادانىڭ قازاقستانداعى، قىرعىزستانداعى جانە تاجىكستانداعى بۇرىنعى ەلشىسى م.سكوك، كانادانىڭ ەۋرازيا جانە رەسەيدەگى ىسكەرلىك قاۋىمداستىعىنىڭ (CERBA) توراعاسى ج.برەتون، كارلتون ۋنيۆەرسيتەتىنىڭ مەملەكەتتىك ساياسات فاكۋلتەتى دەكانىنىڭ ورىنباسارى د.مەندەلوفف ءسوز سويلەدى. بايانداۋشىلاردىڭ پىكىرىنشە، ءبىزدىڭ ەلىمىز قىسقا مەرزىم ىشىندە ەكونوميكا مەن الەۋمەتتىك سالادا ايتارلىقتاي سەرپىلىس جاساي الدى. كونفەرەنتسيا قاتىسۋشىلارى قازاقستان شەتەلدىك ينۆەستيتسيالاردى تارتۋدا ءوڭىردىڭ باسقا ەلدەرى ءۇشىن ۇلگى بولىپ تابىلاتىنىن ايتتى، سونداي-اق ساياسي جانە ەكونوميكالىق وزگەرىستەر جالعاساتىنىنا سەنىم ءبىلدىردى.

كونفەرەنتسيا كوپشىلىكتىڭ نازارىن اۋداردى. ءىس-شاراعا ورتالىق ازيانى زەرتتەۋمەن اينالىساتىن كانادا مەن قازاقستاننىڭ جەتى جەتەكشى ۋنيۆەرسيتەتتەرىنىڭ عالىمدارى مەن زەرتتەۋشىلەرى، كانادالىق جوعارى وقۋ ورىندارىنىڭ ستۋدەنتتەرى مەن جۋرناليستەر دە بەلسەندى قاتىستى.

كونفەرەنتسيا قورىتىندىسى بويىنشا قاتىسۋشىلار قازاقستان حالقىنىڭ پرەزيدەنت ق.توقاەۆتىڭ رەفورمالارىنا دەگەن جوعارى سەنىمىن اتاپ ءوتتى. ءىس-شارا كانادالىق عىلىمي، ۇكىمەتتىك جانە بيزنەس توپتاردىڭ ەكى ەل اراسىنداعى ءوزارا ءتيىمدى سەرىكتەستىكتى ارتتىرۋعا قىزىعۋشىلىقتارى بار ەكەنىن كورسەتتى.

سوڭعى جاڭالىقتار

ۇقساس جاڭالىقتار