مامانداردىڭ بولجامىنشا, بۇگىن ەلىمىزدىڭ سولتۇستىك جانە شىعىس وبلىستارىندا نوسەرلى جاڭبىر جاۋىپ, سوڭى قارعا ۇلاسۋى مۇمكىن, داۋىلدى جەل تۇرادى.
ال, باتىس پەن وڭتۇستىك وڭىرلەردە كۇن جاۋىن-شاشىنسىز وتەدى, كەي جەرلەردە تۇمان تۇسەدى.
اقمولا, سولتۇستىك قازاقستان جانە پاۆلودار وبلىستارىندا جەلدىڭ جىلدامدىعى 15-20 م/سەك, كەي جەرلەردە 23-28 م/سەك ۇيىتقۋى ىقتيمال.
شىعىس قازاقستان, قاراعاندى وبلىستارىندا تۇمان كۇتىلەدى جانە داۋىلدى جەل تۇرادى. قاراعاندى وبلىسىنىڭ شىعىس بولىگىندە تەمپەراتۋرا 1-3 گرادۋسقا دەيىن تومەندەپ, ۇسىك جۇرەدى.
الماتى, قوستاناي, تۇندە اقتوبە, تاڭەرتەڭ جامبىل وبلىستارىندا جەل جىلدامدىعى سەكۋندىنا 15-20 مەترگە دەيىن جەتەدى. قوستاناي وبلىسىندا تۇمان كۇتىلەدى.
باتىس قازاقستان جانە اتىراۋ وبلىستارىندا دا كۇن جاۋىن-شاشىنسىز. قىزىلوردا, تۇركىستان, اقتوبە, جامبىل جانە قاراعاندى وبلىستارىندا ءورت قاۋپى ساقتالادى.
