الماتى قالاسىنىڭ تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى ءونىم قاۋىپسىزدىگىن باقىلاۋ اياسىندا 89 تاماق ونىمدەرىنىڭ سىناماسىن ساتىپ الدى. ساراپتاما ءۇشىن ساتىپ الىنعان بارلىق ۇلگىلەر الماتى قالاسىنداعى ۇلتتىق ساراپتاما ورتالىعىنىڭ زەرتحاناسىنا جەتكىزىلدى.
زەرتحانالىق زەرتتەۋلەر كورسەتكەندەي, كەسپەدەگى گەندىك تۇرلەندىرىلگەن سويانىڭ قۇرامى 1,4%-دان 10,25%-عا دەيىن, پەچەنەدە 47,75%-دان اسادى. بۇل رەتتە وندىرۋشىلەردىڭ تاڭبالارىندا كورسەتىلگەن ونىمدەردەگى گەندىك تۇرلەندىرىلگەن ينگرەديەنتتەردىڭ قۇرامى تۋرالى اقپارات جوق. تاماق ونىمدەرىندەگى گمو قۇرامىنىڭ رۇقسات ەتىلگەن نورماسى «تاماق ونىمدەرىنىڭ قاۋىپسىزدىگى تۋرالى» (كو تر 021/2011 ج.) كەدەن وداعىنىڭ تەحنيكالىق رەگلامەنتىنە سايكەس 0,9%-دان اسپايتىنىن اتاپ وتكەن ءجون.
ءونىمدى وتكىزۋشىلەر «بارىس-4» جانە «اقبۇلاق» كوتەرمە ساۋدا بازارلارىندا ونىڭ قاۋىپسىزدىگىن راستايتىن قۇجاتتارسىز ساتىپ الدى. اتالعان فاكتىلەر بويىنشا الماتى قالاسى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى ساۋدا جەلىسىندەگى سايكەس ەمەس ءونىمدى انىقتاۋ جانە ونى ساتۋدان الىپ تاستاۋ بويىنشا ءىس-شارالار جۇرگىزۋدە.
– وزدەرىڭىز بىلەتىندەي, گمو قاتەرلى ىسىكتەردىڭ پايدا بولۋ قاۋپىن, بالالار مەن جاسوسپىرىمدەردە ءوسۋدىڭ تەجەلۋىن, سونداي-اق اللەرگيالىق اۋرۋلاردىڭ پايدا بولۋ قاۋپىن ارتتىرادى. سونداي-اق ساپاسىز ءونىم انىقتالعان جاعدايدا قازاقستاندىقتار تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ اۋماقتىق دەپارتامەنتتەرىنە جۇگىنە الاتىنىن حابارلايمىز, – دەيدى ماماندار.
