فوتو: ۆيدەودان الىنعان كادر
وقيعاعا قاتىستى بەينەجازبا الەۋمەتتىك جەلىلەردە تارادى. كادرلاردان جاسوسپىرىمدەردىڭ ءبىر قىزدى باسىنان ۇرعانى كورىنەدى. سونداي-اق ولار ءوتىپ بارا جاتقان ادامدارعا تاس لاقتىرىپ, سۋ شاشقانى جانە كەيبىرىنىڭ زاتتارىن تارتىپ العان.
قۇقىق بۇزۋشىلاردىڭ كىم ەكەنى انىقتالىپ, ولار پوليتسيا بولىمشەسىنە جەتكىزىلگەن.
ۆەدومستۆونىڭ مالىمەتىنشە, جاسوسپىرىمدەر – تاجىكستان ازاماتتارى. كامەلەتكە تولماعاندار قازىر ارنايى بەيىمدەۋ ورتالىعىنا ورنالاستىرىلىپ, ولارمەن پروفيلاكتيكالىق جۇمىس جۇرگىزىلىپ جاتىر. تەكسەرۋ قورىتىندىسى بويىنشا بالالاردى تاربيەلەۋ مىندەتتەرىن تيىسىنشە ورىنداماعانى ءۇشىن ولاردىڭ زاڭدى وكىلدەرى اكىمشىلىك جاۋاپكەرشىلىككە تارتىلعان.
سونىمەن قاتار اتالعان تۇلعالارعا قاتىستى كوشى-قون زاڭناماسى اياسىندا ەل اۋماعىنان شىعارۋ شارالارى قاراستىرىلىپ جاتىر.
پرانك جاسايمىن دەپ قوعامدىق ءتارتىپتى بۇزاتىندار كوبەيىپ كەتتى - نارتاي ارالباي ۇلى
قازىر پوليتسيا وقيعانى جان-جاقتى تەكسەرىپ جاتىر. ونىڭ ناتيجەسى بويىنشا جاسوسپىرىمدەردىڭ ارەكەتىنە قۇقىقتىق باعا بەرىلەدى.
