ماشينا جاساۋ وندىرىسىندە لوكاليزاتسيا دەڭگەيىن ارتتىرۋ جانە قوسىلعان قۇنى جوعارى ءونىم شىعارۋ مەملەكەتتىڭ باسىم باعىتى بولىپ قالا بەرمەك. بۇل رەتتە قازىرگى كەزەڭدە قۇراستىرۋدان ءوزىنىڭ ينجەنەرلىك شەشىمدەرىن ازىرلەۋگە جانە ەل ىشىندە جوعارى تەحنولوگيالىق اكتيۆتەر قۇرۋعا كوشۋدى جەدەلدەتۋ ماڭىزدى.
ء«ونىمنىڭ تەحنولوگيالىق دەڭگەيى جاھاندىق باسەكەلەستىك جاعدايىندا نەگىزگى فاكتورلاردىڭ بىرىنە اينالۋدا. شىن مانىندە, بۇل – تسيفرلاندىرۋ, روبوتتاندىرۋ جانە جاساندى ينتەللەكتىنى ەنگىزۋ دەگەن ءسوز. اتالعان ۇدەرىستەر پرەزيدەنت قويعان اۋقىمدى مىندەتتەر اياسىندا ەرەكشە ماڭىزعا يە بولادى. مەملەكەت باسشىسى قاسىم-جومارت كەمەل ۇلى توقاەۆ اتاپ وتكەندەي, قازاقستان وڭىردەگى جەتەكشى تسيفرلىق حابتاردىڭ بىرىنە اينالۋى ءتيىس. بۇل جىلدىڭ تسيفرلاندىرۋ جانە جاساندى ينتەللەكت جىلى دەپ جاريالانۋى ماشينا جاساۋ سالاسىن دا تەحنولوگيالىق تۇرعىدان جاڭا دەڭگەيگە كوتەرۋگە تىڭ سەرپىن بەرەدى», دەدى ولجاس بەكتەنوۆ.زاۋىتتاردا جاڭا تەحنولوگيالاردى قولدانۋ اۋقىمدى ترانسفورماتسيانىڭ نەگىزگى ەلەمەنتىنە اينالادى.
الەمدىك تاجىريبە كورسەتكەندەي, وندىرىستە جاساندى ينتەللەكتىنى قولدانۋ جابدىقتارعا تەحنيكالىق قىزمەت كورسەتۋ شىعىندارىن 40%-عا دەيىن تومەندەتەدى. قازاقستاندا دا مۇنداي تابىستى مىسالدار جەتكىلىكتى.
بەكتەنوۆ ماشينا جاساۋ سالاسىن ەل ەكونوميكاسى ءوسۋىنىڭ باسىم باعىتتارىنىڭ ءبىرى رەتىندە اتادى
«سارىارقااۆتوپروم» كاسىپورنىندا جاساندى ينتەللەكت ىقتيمال اقاۋلاردى الدىن الا بولجاپ, كونۆەيەردىڭ كەنەتتەن توقتاپ قالۋىنا جول بەرمەيدى.
ERG-دە تسيفرلىق اسسيستەنتتەر مەن اناليتيكالىق پلاتفورمالار لوگيستيكادان باستاپ ەلەكتر ەنەرگياسىن تۇتىنۋعا دەيىنگى پروتسەستەردى وڭتايلاندىرادى, سونىڭ ەسەبىنەن كومپانيا وتكەن جىلى شامامەن 55 ملرد تەڭگە ۇنەمدەدى. وسىلايشا, «اقىلدى» تەحنولوگيالار ناقتى ەكونوميكالىق پايدا اكەلىپ جاتىر.
ءونىمدى جوبالاۋ مەن ونىڭ ساپاسىن باسقارۋدا جي-ءدى قولدانۋ ءىشىنارا اۆتوماتتاندىرۋدان كەڭ اۋقىمداعى «اقىلدى زاۋىتتار» قۇرۋ كەزەڭىنە كوشۋدى قامتاماسىز ەتىپ وتىر. ۇزاق مەرزىمدى پەرسپەكتيۆادا يننوۆاتسيالار وتاندىق وندىرۋشىلەرگە شەتەلدىك كومپانيالارمەن باسەكەلەسۋگە عانا ەمەس, سونىمەن قاتار جاھاندىق نارىقتاردا جاڭا ساپا ستاندارتتارىن ورناتۋعا دا مۇمكىندىك بەرەدى.
جاڭا بۋىن ينجەنەرلەرىن دايارلاۋعا باسىمدىق بەرە وتىرىپ, ادامي كاپيتالدى دامىتۋعا دا باسا نازار اۋدارىلۋدا. قازاقستانداعى ءبىلىم بەرۋ گرانتتارىنىڭ 60%-دان استامى ينجەنەرلىك جانە IT-ماماندىقتارعا باعىتتالعان. وزىق ءبىلىم بەرۋ تاسىلدەرى مەن تاجىريبەلەرى وتاندىق ۋنيۆەرسيتەتتەردە دە, جەتەكشى شەتەلدىك تەحنيكالىق جوعارى وقۋ ورىندارىنىڭ فيليالدارىندا دا ەنگىزىلىپ جاتىر.
