وقيعا • 24 قىركۇيەك، 2020

تۇرمەدە وتكەن توي

42 رەت كورسەتىلدى

تۇرمەدە توي بولۋشى ما ەدى؟ مۇندا دا ۇيلەنۋ تويىن وتكىزۋگە بولادى ەكەن. جاقىندا اتىراۋداعى ۋگ-157/1 مەكەمەسىندە ەكى جاستىڭ نەكەسى قيىلدى.

– بىزدە دە ۇيلەنۋ تويى وتەدى، – دەيدى سوتتالعاندار ارا­سىندا تاربيە جۇمىسىن ۇيىم­داستىرۋ ءبولىمىنىڭ باس­تىعى قالامقاس ءاشىرحان. – ارينە، ادەتتەگىدەي اققاينار اتىلمايدى. بي دە بولمايدى. بىراق تاعدىرىن توعىستىرعان جاس­تاردىڭ بۇل كۇندى ەستە ساق­تاۋىنا ىقپال ەتۋدى ويلا­دىق.

بىرنەشە اي بۇرىن 37 جاس­تاعى دەنيس تەرگەۋ يزولياتو­رىنا قىلمىستىق كو­دەكستىڭ 188-بابىمەن (ۇرلىق) تۇس­كەن ەكەن. جاقىندا №2 اتى­­­راۋ قالالىق سوتىنىڭ ۇكى­مىمەن 3 جىل 6 اي مەرزىمگە باس بوس­تاندىعىنان ايىرىلدى. ەندى ول جازاسىن قاتاڭ رە­جىمدەگى كو­لونيادا وتەۋى ءتيىس. وزگە وب­لىستاعى تۇرمەگە جەت­كىزەتىن ەتاپتى كۇتىپ وتىر. اتى­­راۋدان كەتەر الدىندا كسە­­نياعا ۇي­لەنۋدى ءجون ساناپتى.

– كسەنيامەن ورتاق دوس­تارىمىز ارقىلى تانىسقان ەدىم. سودان بەرى بىرنەشە جىل ءوتتى. بىراق الدىڭدا نە كۇ­تىپ تۇرعانىن بىلمەيسىڭ عوي. ب­يىل وكىنىشكە ۇرىندىرعان جاعداي ورىن الىپ، باس بوس­تان­دىعىمنان ايى­رىلدىم، – دەيدى دەنيس. – نەكەمىزدى قيدىرۋ – ەكەۋمىزدىڭ ورتاق شەشىمىمىز. ويتكەنى بالا­مىزدىڭ زاڭدى اكەسى بولعانىن قالادىق.

تۇرمەنىڭ تورىنا تۇسكەن دەنيسپەن نەكەسى قيىلعان كسە­نيا­نىڭ ومىرگە ءسابي اكەلەر كۇنى جاقىن. ول ەكى ايدان سوڭ بالاسىن قولىنا الىپ، كۇيەۋى بوستاندىققا شىققانعا دەيىن ونى ەنەسىمەن بىرگە تار­بيەلەۋگە بە­كىنىپ وتىر.

– بالا تاربيەسىندە اكەنىڭ ورنى بولەك بولارى داۋسىز. سول سەبەپتەن دەنيستىڭ تەزىرەك بوستاندىققا شىعۋىن كۇتەمىز. بالامىزدىڭ بولاشاقتا جاقسى ازامات بولىپ وسەرىنە سەنەمىن، – دەيدى كسەنيا.

اتىراۋ وبلىسى بويىنشا قىلمىستىق-اتقارۋ جۇيەسى دە­­پارتامەنتىنىڭ ءباسپاسوز قىز­­مەتىنەن حابارلاعانداي، بىل­­تىر مۇندا 10 كۇدىكتى مەن سوت­تالۋشىنىڭ نەكەسى قيى­لىپ­تى.

 

اتىراۋ وبلىسى

 

سوڭعى جاڭالىقتار

ۇقساس جاڭالىقتار