كينو • 24 قىركۇيەك، 2020

ەكى بىردەي كينوفەستيۆالعا قاتىسادى

14 رەت كورسەتىلدى

قازاقستاندىق رەجيسسەر فارحات ءشارىپوۆ تۇسىرگەن «18 كيلوگەرتس» اتتى جاڭا كوركەم ءفيلمنىڭ الەمدىك تۇساۋكەسەرى ورتالىق جانە شىعىس ەۋروپانىڭ ەڭ بەدەلدى فەستيۆالدارىنىڭ ءبىرى – 36-شى حالىق­ارالىق ۆارشاۆا كينوفەستيۆالىنىڭ (WFF) نەگىز­گى بايقاۋى شەڭبەرىندە وتەدى. بۇل تۋرالى كينوتۋىن­دىنىڭ كرەا­تيۆ پروديۋسەرى يۋليا كيم حابارلادى.

«18 كيلوگەرتس» – بۇل 90-شى جىلداردىڭ سوڭىنداعى جاسوسپرىمدەردىڭ ومىرىنەن سىر شەرتەتىن فيلم.

«18 كيلوگەرتس» – ەرەسەك­تەر ەستىمەيتىن دىبىس جيى­لىگى. فيلم جاسوسپىرىم­دەر­­­­دىڭ پروبلەمالارىنا­ ار­نال­­­عان... ەسەيگەن سا­يىن جاس بۋىننىڭ قيىن­دىق­­تارىن ءتۇسىنۋ قيىنداي بەرەتىنى انىق. ءوزىمىز دە ءجاسوسپىرىم بولدىق، كەي­بىر پروبلەمالار شەشىل­مەيتىندەي بولىپ كورىنىپ ەدى. ءتىپتى تىعىرىقتان شى­عا­تىن جول تابا الماي، تۇلا بويىڭدى قورقىنىش بيلەگەن كەزدەر دە بولادى. ءبىز­دىڭ فيلم سول كەزدەردى ەسكە الۋ ءۇشىن ارنايى ءتۇسىرىل­دى»، دەدى رە­جيسسەر فارحات ءشارىپوۆ. 

ءفيلمنىڭ ءتۇسىرۋ جۇ­مىستارى الماتى قالا­سىندا جۇرگىزىلدى. باستى رولدەردە مۇساحان جۇما­حان، الىبەك ادىكەن، كاميلا فۋن-سو سەكىلدى جاس اكتەرلەر وينادى.

1

الەمدەگى ەڭ بەدەلدى كي­­نو بايقاۋلاردىڭ ءبىرى – ۆار­شاۆاداعى حالىقارالىق كينو­فەستيۆال نەگىزى 1985 جىلى قالانعان بولاتىن. حالىقارالىق كينوپروديۋسەرلەر قاۋىمداستىعىنىڭ فەدەراتسياسى شەشىمىمەن 2009 جىلى بۇل فەستيۆالعا «ا» ساناتى بەرىلگەن بولاتىن.

بيىل كوروناۆيرۋس ىن­دەتى سالدارىنان دۇنيە جۇ­زىندە ورىن العان اۋىر جاع­داي­عا قاراماستان ۆارشاۆا كي­نو­فەستيۆالى قازاننىڭ 9-ى مەن 18-ءى ارالىعىندا ادەت­تە­گى­­­­دەي ءداستۇرلى فورماتتا وتە­دى.

ودان بولەك، وتان­دىق «18 كيلوگەرتس» ءفيلمى ازياداعى ەڭ ءىرى فەس­­تيۆالداردىڭ ءبىرى – قا­زان­­نىڭ 21-ءى مەن 30-ى ارا­لىعىندا وتەتىن 25-ءشى حالىقارالىق پۋ­سان كي­نوفەستيۆالىنىڭ (BIFF) كون­كۋرستىق باعدارلا­ماسىنا قاتىسادى. كينو­تۋىندى «ازيالىق كينوعا تەرەزە» (A Window on Asian Cinema) اتتى باعدارل­اما­سىندا كورسەتىلەدى.

 

 

 

سوڭعى جاڭالىقتار

ۇقساس جاڭالىقتار