ايماق باسشىسى "دامۋ" قورى بيزنەس - احۋالدى جاقسارتۋ جانە شاعىن جانە ورتا بيزنەستى بەلسەندى قولداۋ بويىنشا اۋقىمدى جۇمىستار جۇرگىزىپ جاتقانىن اتاپ ءوتتى.
"پرەزيدەنت قاسىم-جومارت توقاەۆتىڭ تاپسىرماسى بويىنشا ەلدەگى كاسىپكەرلىكتى دامىتۋعا ەرەكشە كوڭىل بولىنۋدە. ەكونوميكالىق پروبلەمالار اياسىندا بۇل ماسەلە ەرەكشە وزەكتى بولىپ وتىر. "دامۋ" قورى بيزنەستى دامىتۋعا, پەرسپەكتيۆالىق جوبالاردى ىسكە اسىرۋعا جانە جاڭا جۇمىس ورىندارىن اشۋعا بارىنشا ىقپال ەتۋدە", دەدى بەردىبەك ساپارباەۆ.
گاۋحار بورىباەۆا قوردىڭ قولداۋىمەن جامبىل وبلىسىندا بىرنەشە ونداعان تابىستى جوبالار جۇزەگە اسىرىلعانىن باسا ايتتى.
"مەن بىرنەشە كاسىپورىندا بولدىم جانە ولاردىڭ ەڭ جاڭا تەحنولوگيالاردى قولداناتىندىعىنا كوز جەتكىزدىم. جامبىل وبلىسىندا بيزنەس مەيلىنشە جەمىستى دامۋدا. جۇمىس ىستەپ تۇرعان شاعىن جانە ورتا بيزنەس سۋبەكتىلەرىنىڭ سانى 68,7 مىڭعا جەتكەن", دەدى ول.
جامبىلدىق كاسىپكەرلەر "دامۋ" قورىنىڭ قارجىلاندىرۋ, سۋبسيديالاۋ, كەپىلدەندىرۋ, وقىتۋ سەكىلدى ءتيىمدى تەتىكتەرىن بەلسەندى پايدالانۋدا.
ناتيجەسىندە 11,3 مىڭ جوبا جۇزەگە اسىرىلعان.
اعىمداعى جىلى ءبىرىنشى باعىت – بيزنەس-جوبالاردى قارجىلاندىرۋدى جۇزەگە اسىرۋ بويىنشا جامبىل وبلىسى باسقا ايماقتار اراسىندا ەكىنشى ورىنعا تۇراقتاعان. 1 تامىزداعى جاعداي بويىنشا 9560 قارىز الۋشى تىركەلگەن. "بيزنەستىڭ جول كارتاسى-2025" اياسىندا 1057 جوبا سۋبسيديا السا, ال 486 جوبا ءىشىنارا نەسيەلىك كەپىلدەمەگە قول جەتكىزگەن.
"بەرەكە" وڭىرلىك قارجىلاندىرۋ باعدارلاماسى اياسىندا اعىمداعى جىلدىڭ 1 تامىزىنداعى جاعداي بويىنشا 150 قارىز الۋشى قارجىلاندىرىلعان.
گاۋحار بورىباەۆا سونىمەن قاتار "نۇرلى جەر" جانە "قاراپايىم زاتتار ەكونوميكاسى" باعدارلامالارىنىڭ تەتىكتەرى تۋرالى توقتالىپ ءوتتى.
كەزدەسۋ قورىتىندىسىمەن تاراپتار بۇدان ءارى دە ءوزارا ءتيىمدى ىنتىماقتاستىقتا جۇمىس ىستەۋگە نيەت ءبىلدىردى.
