پوليتسيا قىزمەتكەرلەرى مارالدى اۋىلىنىڭ شەتىندەگى ورماننان مىلتىق اتىلعانىن ەستىپ, سول باعىتقا بەت العان. باقىلاۋ بارىسىندا ورمان ىشىنەن "Toyota Hilux" اۆتوكولىگىنىڭ شىققانىن كورگەن.
جول تالعامايتىن كولىكتىڭ جۇرگىزۋشءىسى پوليتسيا قىزمەتكەرلەرىنە باعىنباستان جىلدامدىقتى اسىرىپ, قاشا جونەلەدى. الايدا پاترۋلدىك اۆتوكولىكتەگى پوليتسيا ەكيپاجى ولاردىڭ ىزىنەن قالمايدى. ناتيجەسىندە سەمەي قالالىق پوليتسيا ءبولىمىنىڭ قىزمەتكەرلەرى توسقاۋىل قويىپ, قولعا تۇسىرەدى.
اۆتوكولىكتى قاراۋ بارىسىندا جۇك سالعىشىنان جابايى اڭنىڭ ەتى, قارۋ وقتارىمەن, جارىق-ىزدەۋشى تۇرىندەگى قوسالقى قۇرالدار جانە پىشاق تابىلىپ,تاركىلەنگەن.
"تەرگەۋ بارىسىندا ەلىكتى 40 جاستاعى بورودۋليحا اۋدانىنىڭ جەرگىلىكتى تۇرعىنى اتقانى انىقتالدى. كۇدىكتى كىناسىن تولىعىمەن مويىندادى. قازىرگى تاڭدا وسى فاكتى بويىنشا قر قك 337 بابىندا قاراستىرىلعان قىلمىس بەلگىلەرىمەن سوتقا دەيىنگى تەرگەپ-تەكسەرۋ باستالىپ, ساراپتامالار تاعايىندالدى. اتالعان تۇياقتى جانۋار "ءسىبىر ەلىگى" ەكەنى ناقتىلاندى", دەدى وبلىستىق پوليتسيا دەپارتامەنتىنىڭ باستىعى ساعات ماديەۆ.
شىعىس قازاقستان وبلىسى
